വനിതാ ഫുട്ബോൾ ലോകകപ്പിൽ ഇന്ന് നടന്ന ഗ്രൂപ്പ് എ പോരാട്ടത്തിൽ നോർവേയും സ്വിറ്റ്സർലാന്റും സമനിലയിൽ പിരിഞ്ഞു. രണ്ട് ടീമുകൾക്കും ഇന്ന് ഗോൾ നേടാൻ ആയില്ല. ഒപ്പത്തിനൊപ്പം ഇരു ടീമുകളും നിന്ന് മത്സരത്തിൽ അധികം അവസരങ്ങൾ പോലും പിറന്നില്ല. നോർവേ അഞ്ചു ഷോട്ടുകളോളം ടാർഗറ്റിലേക്ക് തൊടുത്തു എങ്കിലും അവരുടെ ഈ ടൂർണമെന്റിലെ ആദ്യ ഗോൾ കണ്ടെത്താൻ ആയില്ല.
ഈ സമനില നാലു പോയിന്റുമായി സ്വിറ്റ്സർലാന്റിനെ ഗ്രൂപ്പിൽ ഒന്നാമത് എത്തിച്ചു. അവർ അവസാന മത്സരത്തിൽ ന്യൂസിലൻഡിനെ നേരിടും. നോർവേ 1 പോയിന്റുമായി ഗ്രൂപ്പ് എയിൽ അവസാന സ്ഥാനത്താണ്. ഫിലിപ്പീൻസ് ആകും അവർക്ക് അവസാന മത്സരത്തിലെ എതിരാളി.
