ഫുട്ബോളൊനെ സ്നേഹിക്കുന്ന ഏതൊരാളും മോഡ്രിചിനെയും ഇഷ്ടപ്പെടും എന്ന് അർജന്റീന പരിശീലകൻ സ്കലോണി. ക്രൊയേഷ്യയെ സെമിയിൽ നേരിടുന്നതിന് മുമ്പ് സംസാരിക്കുക ആയിരുന്നു സ്കലോനി.
മോഡ്രിച്ച് കളിക്കുന്നത് കാണുന്നതിൽ തനിക്ക് സന്തോഷമുണ്ട്. അദ്ദേഹത്തിന്റെ കഴിവ് കൊണ്ട് മാത്രമല്ല അദ്ദേഹം കളിക്ക് നൽകുന്ന ബഹുമാനവും കൂടെ കൊണ്ടാണ് അദ്ദേഹത്തെ ഇഷ്ടം. സ്കലോണി പറഞ്ഞു. ഫുട്‌ബോൾ ഇഷ്ടപ്പെടുന്ന ഏതൊരാൾക്കും മോഡ്രിച്ചിനെപ്പോലെയുള്ള കളിക്കാരെ കളിക്കളത്തിൽ കാണാൻ ആഗ്രഹമുണ്ടാകും. അദ്ദേഹം പറഞ്ഞു.
ക്രൊയേഷ്യക്ക് എതിരായ മത്സരം എളുപ്പമായിരിക്കില്ല എന്നും ഞങ്ങൾ ക്രൊയേഷ്യയെ ഒരുപാട് വിശകലനം ചെയ്തിട്ടുണ്ട് എന്നും സ്കലോണി പറഞ്ഞു. മികച്ച കളിക്കാരുള്ള മികച്ച ടീമാണ് അവർ. ഇതൊരു കടുത്ത മത്സരമായിരിക്കും. അദ്ദേഹം കൂട്ടിച്ചേർത്തു.
