സ്വീഡിഷ് ഇതിഹാസം സ്ലാട്ടാൻ ഇബ്രാഹിമോവിച് തന്റെ രാജ്യം ലോകകപ്പ് നേടുമെന്ന് പ്രവചിച്ചു. റഷ്യയിൽ ആരും സ്വീഡൻ ഇവിടെ വരെ എത്തുമെന്ന് പറഞ്ഞിരുന്നില്ല. എന്നാൽ അവർ ഇവിടെ എത്തിയിരിക്കുകയാണ്. ഇനി എന്തും സാധ്യമാണ് ഇബ്ര പറയുന്നു. നാളെ ക്വാർട്ടറിൽ ഇംഗ്ലണ്ടിനെ നേരിടാൻ ഇരിക്കുകയാണ് സ്വീഡൻ.
ഇംഗ്ലണ്ടിനെ സ്വീഡൻ തോൽപ്പിക്കും എന്നും ഇബ്ര പറഞ്ഞു. “മെക്സിക്കോ എന്ന മികച്ച ടീമിനെയും പിറകെ സ്വിറ്റ്സർലാന്റിനെയും ഇതേ സ്വീഡൻ തോൽപ്പിച്ചിട്ടുണ്ട്. അതുകൊണ്ട് ഇംഗ്ലീഷ് ടീമും സ്വീഡന് മുന്നിൽ വീഴും”. ഇബ്ര പറഞ്ഞു. സ്വീഡന് ഇംഗ്ലണ്ടിനെതിരെ ഉള്ള മികച്ച റെക്കോർഡും ഇബ്ര ഓർമ്മിപ്പിച്ചു. 1994ന് ശേഷം സ്വീഡൻ ആദ്യമായാണ് ലോകകപ്പിന്റെ ക്വാർട്ടറിൽ എത്തുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
