2006 ലോകകപ്പ് ഫൈനലിൽ സാക്ഷാൽ സിനദിൻ സിദാനിന് ശേഷം ഒരു ലോകകപ്പ് മത്സരത്തിൽ ഗോൾ നേടിയ ശേഷം ചുവപ്പ് കാർഡ് നേടുന്ന ആദ്യ താരമായി കാമറൂണിന്റെ വിൻസെന്റ് അബൂബക്കാർ. 2006 ലോകകപ്പ് ഫൈനലിൽ ഇറ്റലിക്ക് എതിരെ പെനാൽട്ടി ഗോൾ നേടിയ സിദാൻ മറ്ററാസിയെ തല കൊണ്ട് ഇടിച്ചു ചുവപ്പ് കാർഡ് മേടിക്കുക ആയിരുന്നു.
ഇന്നലെ കാമറൂണിന് ആയി ബ്രസീലിനു എതിരെ അവസാന നിമിഷങ്ങളിൽ ഇഞ്ച്വറി സമയത്ത് ഗോൾ നേടിയ അബൂബക്കാർ ജെഴ്‌സി ഊരി ഗോൾ ആഘോഷിച്ചതിനു രണ്ടാം മഞ്ഞ കാർഡ് കാണുക ആയിരുന്നു. അതിനകം മഞ്ഞ കാർഡ് കണ്ട അബൂബക്കാർ ചുവപ്പ് കാർഡ് കിട്ടും എന്ന് അറിഞ്ഞിട്ടും വിജയ ഗോൾ നേടിയ ശേഷം ആഘോഷം നടത്തുക ആയിരുന്നു.
