ഫിഫ ലോകകപ്പ് വീണ്ടും മിഡിൽ ഈസ്റ്റിലേക്ക് എത്തുന്നു. 2034 ലോകകപ്പ് സൗദി അറേബ്യയിൽ നടക്കും എന്ന് ഏതാണ്ട് ഉറപ്പാകുന്നു. ഫിഫ 2034 ലോകകപ്പിനായി ബിഡ് സമർപ്പിച്ചിരിക്കുന്ന സമയപരിധി ഇന്ന് അവസാനിക്കാൻ ഇരിക്കുകയാണ്. ഓസ്ട്രേലിയ അവരുടെ ബിഡിൽ നിന്ന് പിന്മാറിയതോടെ സൗദി അറേബ്യ മാത്രമായി ഇപ്പോൾ 2034 ഫിഫ ലോകകപ്പിനായി രംഗത്ത് ഉള്ളത്.
2034 എഡിഷൻ ഏഷ്യയിലോ ഓഷ്യാനിയയിലോ മാത്രമേ നടത്തൂ എന്ന് ഫിഫ നേരത്തെ തന്നെ പറഞ്ഞിരുന്നു. ഏഷ്യൻ ഫുട്ബോൾ കോൺഫെഡറേഷൻ (എഎഫ്സി) പ്രസിഡന്റ് കൂടിയായ ഷെയ്ഖ് സൽമാൻ ബിൻ ഇബ്രാഹിം അൽ ഖലീഫി സമർപ്പിച്ച ബിഡിന് എ എഫ് സിയിലെ എല്ലാ രാജ്യങ്ങളുടെയും പിന്തുണ ഉണ്ട്. അതാണ് ഓസ്ട്രേലിയയും പിന്മാറിയത്.
“ഫിഫ ലോകകപ്പിന് ആതിഥേയത്വം വഹിക്കാനുള്ള അവസരം ഞങ്ങൾ വിശകലനം ചെയ്തു – എല്ലാ ഘടകങ്ങളും പരിഗണിച്ച് – 2034 ലെ ലോകകപ്പിനായു മുന്നോട്ട് വരേണ്ടതില്ല എന്ന് നിഗമനത്തിലെത്തി,” ഫുട്ബോൾ ഓസ്ട്രേലിയ ഒരു പ്രസ്താവനയിൽ പറയുന്നു.