എഫ്.എ കപ്പ് ചരിത്രത്തിൽ 1958 നു ശേഷം സെമിഫൈനലിൽ ഹാട്രിക് ഗോളുകൾ നേടുന്ന താരമായി മാഞ്ചസ്റ്റർ സിറ്റിയുടെ റിയാദ് മഹ്റസ്. ഇന്ന് ഷെഫീൽഡ് യുണൈറ്റഡിന് എതിരെ മഹ്റസിന്റെ ഹാട്രിക് മികവിൽ സിറ്റി ജയം കാണുക ആയിരുന്നു.
1958 ൽ ഫുൾഹാമിനു എതിരെ മാഞ്ചസ്റ്റർ യുണൈറ്റഡിന്റെ അലക്‌സ് ഡോസൻ ആണ് ഇതിനു മുമ്പ് ഈ നേട്ടം അവസാനമായി കൈവരിച്ചത്. വെമ്പ്ലി സ്റ്റേഡിയത്തിൽ നടക്കുന്ന സെമിഫൈനലിൽ ചരിത്രത്തിൽ ഇത് ആദ്യമായാണ് ഒരു താരം ഹാട്രിക് നേടുന്നത് എന്ന പ്രത്യേകതയും ഈ നേട്ടത്തിന് ഉണ്ട്.
