ഫുട്ബോൾ ലോകത്തെ ചർച്ചാ വിഷയമായ യൂറോപ്യൻ സൂപ്പർ ലീഗ് നടക്കരുത് എന്നാണ് താൻ ആഗ്രഹിക്കുന്നത് എന്ന് ലിവർപൂൾ മധ്യനിര താരം ജെയിംസ് മിൽനർ. താൻ സൂപ്പർ ലീഗ് ഇഷ്ടപ്പെടുന്നില്ല എന്നും ഇത് നടക്കാതിരിക്കട്ടെ എന്നും മിൽനർ പറഞ്ഞു. ഇന്നലെ ലീഡ്സ് യുണൈറ്റഡുമായുള്ള മത്സരത്തിനു ശേഷം സംസാരിക്കുക ആയിരുന്നു താരം.
സൂപ്പർ ലീഗ് ആണ് ചർച്ചാ വിഷയം എങ്കിലും കളിക്കാർ എല്ലാവരും കളിയിലേക്ക് മാത്രം ശ്രദ്ധ തിരിക്കാൻ ശ്രമിക്കുന്നുണ്ട് എന്ന് മിൽനർ പറഞ്ഞു. കളിക്കാർ ഈ വിഷയത്തിൽ യാതൊരു പങ്കാളിത്തവും ഇല്ലായെന്നും മിൽനർ പറഞ്ഞു. ലിവർപൂൾ പരിശീലകൻ ക്ലോപ്പും സൂപ്പർ ലീഗിനെതിരെ കഴിഞ്ഞ ദിവസം സംസാരിച്ചിരുന്നു.
