സ്പോർട്ടിങ് ലിസ്ബണിനു എതിരായ യൂറോപ്പ ലീഗ് ആദ്യ പാദ ക്വാർട്ടർ ഫൈനൽ മത്സരത്തിന് ഇടയിൽ വേദന കാരണം കളം വിട്ടു യുവന്റസ് ഗോൾ കീപ്പർ വോസ്നിക് ചെസ്നി. ആദ്യ പകുതിയിൽ മികച്ച രക്ഷപ്പെടുത്തലുകൾ നടത്തിയ മുൻ ആഴ്‌സണൽ ഗോൾ കീപ്പർ ആദ്യ പകുതി അവസാനിക്കുന്നതിനു തൊട്ടു മുമ്പാണ് കളം വിട്ടത്. നെഞ്ചു വേദന കാരണം നെഞ്ചിൽ കൈവച്ച് തടവിയ താരത്തെ സഹതാരങ്ങൾ സഹായിക്കാൻ എത്തി. തുടർന്ന് താരത്തെ അല്ലഗ്രിനി പിൻവലിക്കുക ആയിരുന്നു.
കണ്ണീരോടെയാണ് താരം കളം വിട്ടത്. മത്സര ശേഷം തനിക്ക് ആ സമയത്ത് ശ്വാസം എടുക്കാൻ പ്രയാസം നേരിട്ടത് ആയി പോളണ്ട് കീപ്പർ പിന്നീട് വ്യക്തമാക്കി. നിലവിൽ നടത്തിയ ശാരീരിക പരിശോധനകൾ എല്ലാം തനിക്ക് ബുദ്ധിമുട്ട് ഇല്ലെന്നു അറിയിച്ചത് ആയും താരം കൂട്ടിച്ചേർത്തു. തനിക്ക് ഇങ്ങനെ ഒന്നു ഇത് വരെ ഉണ്ടായിട്ടില്ല എന്നു പറഞ്ഞ പോളണ്ട് താരം തനിക്ക് ഇപ്പോൾ പ്രശ്‌നങ്ങൾ ഇല്ലെന്നും കൂട്ടിച്ചേർത്തു.
