ഡൂറണ്ട് കപ്പ്; ബെംഗളൂരു എഫ് സിക്ക് എതിരെ എഫ് സി ഗോവയുടെ മികച്ച തിരിച്ചുവരവ്

20220830 191408

ഡൂറണ്ട് കപ്പ്, ബെംഗളൂരു എഫ് സിക്ക് എതിരെ എഫ് സി ഗോവയുടെ മികച്ച തിരിച്ചുവരവ്. ഇന്ന് ഗ്രൂപ്പ് എയിൽ നടന്ന മത്സരത്തിൽ ആദ്യ പകുതിയിൽ രണ്ട് ഗോളിന് ബെംഗളൂരു മുന്നിൽ ആയിരുന്നു. അവിടെ നിന്ന് തിരിച്ചടിച്ച് ഗോവ സമനില പിടിച്ചു. 2-2 എന്ന നിലയിലാണ് മത്സരം അവസാനിച്ചത്. ആദ്യ പകുതിയിൽ 23ആം മിനുട്ടിൽ സുനിൽ ഛേത്രിയുടെ ഫിനിഷ് ബെംഗളൂരുവിന് ലീഡ് നൽകി. ഇതിനു പിന്നാലെ 26ആം മിനുട്ടിൽ ശിവ ശക്തിയുടെ ഗോളിൽ 2-0ന്റെ ലീഡിൽ ബെംഗളൂരു എത്തി.

ഡൂറണ്ട് കപ്പ്

രണ്ടാം പകുതിയിൽ ആയിരുന്നു ഗോവയുടെ തിരിച്ചടി. 53ആം മിനുട്ടിൽ ബുവാമും 64ആം മിനുട്ടിൽ ലെസ്ലിയും ഗോവക്കായി ഗോളുകൾ നേടി. ഇതോടെ സ്കോർ 2-2 എന്നായി. കളി സമനിലയിൽ അവസാനിച്ചു എങ്കിലും ഗോവക്ക് ക്വാർട്ടർ യോഗ്യത ലഭിക്കില്ല. ഈ സമനിലയോടെ ബെംഗളൂരു എഫ് സി ക്വാർട്ടർ ഫൈനൽ ഉറപ്പിച്ചു. ഗ്രൂപ്പ് എയിൽ നിന്ന് നേരത്തെ മൊഹമ്മദൻസും ക്വാർട്ടറിൽ എത്തിയിരുന്നു.