സാക്ഷാൽ ക്രിസ്റ്റ്യാനോ റൊണാൾഡോ യുവന്റസിന്റെ ജേഴ്സിയിൽ ഗോൾ കണ്ടെത്താൻ വിഷമിക്കുകയാണെങ്കിൽ ക്രിസ്റ്റ്യാനോ റൊണാൾഡോയുടെ മകൻ ക്രിസ്റ്റ്യാനോ ജൂനിയർ യുവന്റസ് അരങ്ങേറ്റം ഗോൾ വർഷത്തോടെ ആഘോഷിക്കുകയാണ് ഉണ്ടായത്. ഇന്നലെ യുവന്റസ് അണ്ടർ 9 ടീമിനായി അരങ്ങേറിയ ക്രിസ്റ്റ്യാനോ ജൂനിയർ 4 ഗോളുകളാണ് ടീമിനായി നേടിയത്. മത്സരം 5-1 എന്ന സ്കോറിന് യുവന്റസ് വിജയിക്കുകയും ചെയ്തു.
അച്ഛനെ പോലെ ഏഴാം നമ്പർ ജേഴ്സിയിൽ തന്നെ ആയിരുന്നു ജൂനിയറും കളിച്ചത്. കഴിഞ്ഞ ആഴ്ചയായിരുന്നു റൊണാൾഡോയുടെ മകൻ യുവന്റസ് അക്കാദമിയിൽ ചേർന്നത്.
