കോപ്പ ഡെൽ റേ: ബാഴ്സലോണ അവസാന പതിനാറിലേക്ക്

- Advertisement -

കോപ്പ ഡെൽ റേയുടെ അവസാന 16ലേക്ക് ബാഴ്സലോണ യോഗ്യത നേടി. ഇന്ന് പുലർച്ചെ നടന്ന രണ്ടാം പാത മത്സരത്തിൽ മത്സരത്തിൽ കൾച്ചറൽ ലിയോനെസയേ ഒന്നിനെതിരെ നാലു ഗോളുകൾക്ക് ആണ് ബാഴ്സലോണ വിജയം കണ്ടത്. രണ്ടും പാദത്തിലും കൂടെ 5-1ന്റെ വിജയമാണ് ബാഴ്സലോണ സ്വന്തമാക്കിയത്. കാറ്റലൻസിന് വേണ്ടി ഡെനിസ് സുവാരസ് ഇരട്ട ഗോളുകൾ നേടി.

കാമ്പ് നൗവിൽ നടന്ന മത്സരത്തിൽ 18ആം മിനിറ്റിൽ മുനിറിലൂടെ ബാഴ്സ അകൗണ്ട് തുറന്നു. തുടർന്ന് 26ആം മിനിറ്റിൽ ഡെനിസ് സുവാരസ് ഗോൾ നില രണ്ടാക്കി ഉയർത്തി. 43ആം മിനിറ്റിൽ മാൽക്കം ബാഴ്സയുടെ മൂന്നാം ഗോളും നേടിയതോടെ ടീം വിജയം ഉറപ്പിച്ചിരുന്നു.

53ആം മിനിറ്റിൽ ജോസപ് സെനെ ലിയോനെസിന് വേണ്ടി ഒരു ഗോൾ മടക്കി എങ്കിലും 70ആം മിനിറ്റിൽ ഡെനിസ് സുവാരസ് തന്റെ രണ്ടാം ഗോളും നേടി ബാഴ്സയുടെ വിജയം ഉറപ്പിച്ചു.

Advertisement