പതിവുകൾ മാറ്റി വെച്ച് ബ്രസീൽ കോപ്പ അമേരിക്കക്ക് വേണ്ടിയുള്ള മൂന്നാം ജേഴ്സി പുറത്തിറക്കി. ഇത്തവണ വെള്ള നിറത്തിലുള്ള കുപ്പായവും നീല ഷൊർട്‌സ് ആണ് വേഷം. ഏറെ വർഷങ്ങൾക്കു ശേഷമാണ് ബ്രസീൽ വെള്ള നിറത്തിലുള്ള ജേഴ്സി അണിയുന്നത്. 1950 ന് ശേഷം ആദ്യമായാണ് ബ്രസീൽ ഈ നിറത്തിലുള്ള ജേഴ്സി അണിയുന്നത്.
1950 ലോകകപ്പിൽ ഫൈനലിൽ ഉറുഗ്വേയോട് തോൽവി വഴങ്ങിയപ്പോൾ ധരിച്ചിരുന്ന ജേഴ്സി എന്ന നിലയിലാണ് ഈ നിറത്തിലുള്ള ജേഴ്സി അണിയാതെയായത്. പക്ഷെ ഇത്തവണ കോപ്പ സ്‌പെഷ്യൽ ജേഴ്‌സിയായി ഇതിനെ തിരികെ കൊണ്ട് വരാൻ തീരുമാനിക്കുകയായിരുന്നു. ബ്രസീൽ ടീനേജ് സെൻസേഷൻ വിനിഷ്യസ് ജൂനിയറാണ് ജേഴ്സി പുറത്തിറക്കിയത്. ഈ വർഷം ജൂൺ 14 മുതലാണ് കോപ്പ അമേരിക്ക ആരംഭിക്കുക.
