Category: Conference League

കോൺഫറൻസ് ലീഗ് പ്ലേ ഓഫിൽ വിജയവുമായി ചെൽസി. സ്റ്റാംഫോ ബ്രിഡ്ജിൽ നടന്ന ആദ്യ പാദ മത്സരത്തിൽ സ്വിറ്റ്സർലാന്റ് ടീമായ സെർവറ്റെയെ എതിരില്ലാത്ത രണ്ടു ഗോളുകൾക്കാണ് ചെൽസി പരാജയപ്പെടുത്തിയത്. പരിശീലകൻ മരെസ്കയുടെ കീഴിലെ ചെൽസിയുടെ ആദ്യ വിജയമാണിത്. പ്രീമിയർ ലീഗിൽ അവർ ആദ്യ മത്സരത്തിൽ പരാജയപ്പെട്ടിരുന്നു.

‌

ആദ്യ പകുതിയിൽ ഇന്ന് ഗോൾ ഒന്നും പിറന്നില്ല. രണ്ടാം പകുതിയുടെ തുടക്കത്തിൽ ചെൽസി എങ്കുകുവിലൂടെ ലീഡ് എടുത്തു. പെനാൾട്ടി ലക്ഷ്യത്തിൽ എത്തിച്ചാണ് എങ്കുകു തന്റെ സീസണിലെ ആദ്യ ഗോൾ നേടിയത്.

See more

🤝 @NoniMadueke_ giving us that two-goal cushion. 😁#CFC | #UECL pic.twitter.com/dfqG1oJaUi

— Chelsea FC (@ChelseaFC) August 22, 2024

77ആം മിനുട്ടിൽ നോനി മദുവേക കൂടെ ഗോൾ നേടിയതോടെ ചെൽസി വിജയം ഉറപ്പിച്ചു. ഇനി അടുത്ത ആഴ്ച സ്വിറ്റ്സർലാന്റിൽ രണ്ടാം പാദ മത്സരം നടക്കും.

ഫിനാൻഷ്യൽ ഫെയർ പ്ലെ നിയമങ്ങൾ ലംഘിച്ച ഇറ്റാലിയൻ വമ്പന്മാർ ആയ യുവന്റസിന് അടുത്ത വർഷത്തെ യുഫേഫ കോൺഫറൻസ് ലീഗ് കളിക്കുന്നതിൽ നിന്നു വിലക്ക്. നേരത്തെ തന്നെ യുഫേഫയും ആയുള്ള ചർച്ചകൾക്ക് ശേഷം യുവന്റസ് ഈ തീരുമാനം അംഗീകരിക്കുക ആയിരുന്നു. അതിനാൽ തന്നെ ഇതിനു എതിരെ അവർ അപ്പീലിന് പോവില്ല. ഇതിനു പുറമെ 20 മില്യൺ യൂറോയുടെ പിഴയും യുവന്റസ് അടക്കണം.

നേരത്തെ യുവന്റസിനു ലീഗിൽ 15 പോയിന്റുകൾ ഇതിനെ തുടർന്ന് നഷ്ടമായിരുന്നു. ഇതിനു പുറമെ ഇപ്പോഴും പഴയ യുവന്റസ് ബോർഡ് അംഗങ്ങൾ ക്രിമിനൽ നടപടികൾ നേരിടുന്നുണ്ട്. ഈ വിലക്കിനു പുറമെ വേറെ നടപടികൾ ഒന്നും യുഫേഫ എടുക്കില്ല എന്നാണ് യുവന്റസ് പ്രതീക്ഷ. അതേസമയം ഫിയറന്റീന യുവന്റസിന് പകരം അടുത്ത വർഷത്തെ കോൺഫറൻസ് ലീഗ് കളിക്കും. അതേസമയം നിയമ ലംഘനം നടത്തിയ ചെൽസിക്ക് 10 മില്യൺ യൂറോ പിഴയും യുഫേഫ വിധിച്ചിട്ടുണ്ട്.

യുഫേഫ കോൺഫറൻസ് ലീഗിൽ ആദ്യ പാദ സെമിയിൽ ഇറ്റാലിയൻ ടീം ഫിയറന്റീനയെ അവരുടെ മൈതാനത്ത് തിരിച്ചു വന്നു തോൽപ്പിച്ചു എഫ്.സി ബാസൽ. ഒന്നിനെതിരെ രണ്ടു ഗോളുകൾക്ക് ആണ് സ്വിസ് ക്ലബ് ജയം കണ്ടത്. ആദ്യ പകുതിയിൽ നന്നായി കളിച്ച ഇറ്റാലിയൻ ടീമിന് ആയി കോർണറിൽ നിന്നു ലഭിച്ച അവസരത്തിൽ നിന്നു ലൂകാസ് മാർട്ടിനസിന്റെ പാസിൽ നിന്നു ആർതർ കാബ്രാൽ തന്റെ മുൻ ക്ലബിന് എതിരെ ഗോൾ നേടി. എന്നാൽ തുടർന്ന് ലഭിച്ച അവസരങ്ങൾ ഗോൾ ആക്കി മാറ്റാൻ അവർക്ക് ആയില്ല.

രണ്ടാം പകുതിയിൽ ശാക്കയുടെ പാസിൽ നിന്നു മികച്ച സോളോ ഗോൾ 71 മത്തെ മിനിറ്റിൽ നേടിയ ആന്റി ഡിയോഫ് സ്വിസ് ക്ലബിന് അർഹിച്ച സമനില സമ്മാനിച്ചു. തുടർന്ന് ഇഞ്ച്വറി സമയത്ത് 92 മത്തെ മിനിറ്റിൽ ആണ് ബാസൽ വിജയഗോൾ കണ്ടത്തുന്നത്. ഡാരിയൻ മലസിന്റെ ശക്തമായ ക്രോസിൽ നിന്നു സെകി അമദൗനിയാണ് അവർക്ക് വിജയഗോൾ സമ്മാനിച്ചത്. ഇറ്റാലിയൻ ടീമിന് എതിരെ ലഭിച്ച മുൻതൂക്കം സ്വന്തം മൈതാനത്ത് നിലനിർത്താൻ ആവും രണ്ടാം പാദത്തിൽ സ്വിസ് ക്ലബിന്റെ ശ്രമം.

യുഫേഫ കോൺഫറൻസ് ലീഗ് സെമി ഫൈനലിലേക്ക് മുന്നേറി സ്വിസ് ക്ലബ് എഫ്.സി ബേസൽ. ഫ്രഞ്ച് ക്ലബ് നീസിനെ ഇരു പാദങ്ങളിലും ആയി 4-3 എന്ന സ്കോറിനു ആണ് സ്വിസ് ക്ലബ് മറികടന്നത്. ആദ്യ പാദത്തിൽ 2-2 നു സമനില വഴങ്ങിയ മത്സരത്തിൽ നീസ് ആണ് സ്വന്തം മൈതാനത്ത് ഇന്ന് മുന്നിൽ എത്തിയത്. ഒമ്പതാം മിനിറ്റിൽ ആരോൺ റംസിയുടെ പാസിൽ നിന്നു ഗയിറ്റൻ ലബോർഡെ ഫ്രഞ്ച് ക്ലബിന് മുൻതൂക്കം നൽകി. രണ്ടാം പകുതിയുടെ 85 മത്തെ മിനിറ്റ് വരെ ഈ മുൻതൂക്കം അവർ തുടർന്നു.

എന്നാൽ 86 മത്തെ മിനിറ്റിൽ സ്വിസ് ക്ലബ് മത്സരത്തിൽ ഒപ്പമെത്തി. റികാർഡോ കാലഫിയോറിയുടെ ഹെഡർ പാസിൽ നിന്നു പകരക്കാരനായി ഇറങ്ങിയ ജീൻ-കെവിൻ ഓഗസ്റ്റിൻ അവർക്ക് ആയി സമനില ഗോൾ നേടി മത്സരം എക്സ്ട്രാ സമയത്തിലേക്ക് നീട്ടി. തുടർന്ന് എക്സ്ട്രാ സമയത്ത് 98 മത്തെ മിനിറ്റിൽ ഡാരിയൻ മലസിന്റെ ക്രോസിൽ നിന്നു ഹെഡറിലൂടെ പ്രതിരോധനിര താരം കാസിം ആദംസ് ബേസലിന് വിലപ്പെട്ട ജയം സമ്മാനിക്കുക ആയിരുന്നു. ജയത്തോടെ സെമിഫൈനലിൽ ബേസൽ ഇറ്റാലിയൻ ടീം ഫിയറന്റീനയെ ആണ് നേരിടുക.

യുഫേഫ കോൺഫറൻസ് ലീഗ് സെമി ഫൈനലിലേക്ക് മുന്നേറി ഇറ്റാലിയൻ ക്ലബ് ഫിയറന്റീന. പോളണ്ട് ക്ലബ് ആയ ലെകിന് എതിരെ ആദ്യ പാദത്തിൽ പോളണ്ടിൽ 4-1 നു ജയിച്ചു വന്ന ഫിയറന്റീനയെ ഇറ്റലിയിൽ കാത്തിരുന്നത് അത്യന്തം നാടകീയമായ മത്സരം ആയിരുന്നു. മത്സരത്തിൽ ഒമ്പതാം മിനിറ്റിൽ തന്നെ അഫോസ സൗസയുടെ ഗോളിൽ പോളണ്ട് ക്ലബ് മത്സരത്തിൽ മുൻതൂക്കം നേടി. 1-0 നു അവസാനിച്ച ആദ്യ പകുതിക്ക് ശേഷം അത്യന്തം നാടകീയമായ രണ്ടാം പകുതി ആണ് മത്സരത്തിൽ കണ്ടത്. 65 മത്തെ മിനിറ്റിൽ അലക്സ ടെർസിച് വഴങ്ങിയ പെനാൽട്ടി ക്രിസ്റ്റോഫ് വെൾഡെ ലക്ഷ്യം കണ്ടതോടെ ഫിയറന്റീന പരുങ്ങി.

തുടർന്ന് നാലു മിനിറ്റിനുള്ളിൽ ജെസ്പറിന്റെ പാസിൽ നിന്നു ആർതർ സോയിബച് ഗോൾ നേടിയതോടെ ഇരു പാദങ്ങളിലും ആയി മത്സരം 4-4 നു സമനിലയിൽ ആയി. എന്നാൽ ഇതിന് ശേഷം ഫിയറന്റീന ഉണർന്നു കളിച്ചു. ഫ്രീക്കിക്കിൽ നിന്നു ലഭിച്ച അവസരം 78 മത്തെ മിനിറ്റിൽ ഗോപി നേടിയ റികാർഡോ സ്കോട്ടിൽ ഇറ്റാലിയൻ ക്ലബിനെ വീണ്ടും ഇരു പാദങ്ങളിലും ആയി മുന്നിലെത്തിച്ചു. തുടർന്ന് ഇഞ്ച്വറി സമയത്ത് 92 മത്തെ മിനിറ്റിൽ നിക്കോളാസ് ഗോൺസാലസിന്റെ പാസിൽ നിന്നു ഗോൾ കണ്ടത്തിയ പകരക്കാരനായി ഇറങ്ങിയ കാസ്‌ട്രോവിലി ഇറ്റാലിയൻ ക്ലബിന്റെ സെമിഫൈനൽ ഉറപ്പിക്കുക ആയിരുന്നു.

അതേസമയം ആദ്യ പാദത്തിൽ ബെൽജിയം ക്ലബ് ആന്റർലെകിനോട് 2-0 പരാജയപ്പെട്ട ഡച്ച് ക്ലബ് എ.സി അൽക്മാർ രണ്ടാം പാദത്തിൽ തിരിച്ചു വന്നു പെനാൽട്ടി ഷൂട്ട് ഔട്ടിൽ ജയിച്ചു സെമിയിൽ എത്തി. മത്സരത്തിൽ അഞ്ചാം മിനിറ്റിൽ വഞ്ചലിസ് പാവ്ലിഡിസിന്റെ പെനാൽട്ടിയിൽ മുന്നിൽ എത്തിയ ഡച്ച് ക്ലബ് 13 മത്തെ മിനിറ്റിൽ താരത്തിലൂടെ തന്നെ സമനില പിടിച്ചു. തുടർന്ന് 90 മിനിറ്റും അധിക സമയവും കളിച്ചിട്ടും ഇരു ടീമുകൾക്കും ഗോൾ നേടാൻ ആയില്ല. തുടർന്ന് പെനാൽട്ടി ഷൂട്ട് ഔട്ടിൽ ഡച്ച് ക്ലബ് ജയം കാണുക ആയിരുന്നു. ഡച്ച് ക്ലബിന് ആയി മുൻ ആഴ്‌സണൽ ഗോൾ കീപ്പർ മാത്യു റയാൻ മുൻ ടോട്ടനം താരം യാൻ വെർതോങൻ, കിലിയൻ സാർഡല്ല എന്നിവരുടെ പെനാൽട്ടി തടഞ്ഞപ്പോൾ എല്ലാ പെനാൽട്ടിയും ലക്ഷ്യം കണ്ട ഡച്ച് ക്ലബ് പെനാൽട്ടിയിൽ 4-1 നു ജയിക്കുക ആയിരുന്നു.

യുഫേഫ കോൺഫറൻസ് ലീഗ് ആദ്യ പാദ ക്വാർട്ടർ ഫൈനലിൽ വമ്പൻ ജയവുമായി ഫിയറന്റീന. പോളണ്ട് ക്ലബ് ലെകിനെ ഒന്നിനെതിരെ നാലു ഗോളുകൾക്ക് ആണ് ഇറ്റാലിയൻ ടീം തോൽപ്പിച്ചത്. ആർതർ കാബ്രാൽ, നിക്കോളാസ് ഗോൺസാലസ്, ബോണവെന്തുറ, ജോനാഥൻ ഇക്കോൻ എന്നിവർ ഫിയറന്റീനക്ക് ആയി ഗോൾ നേടിയപ്പോൾ ക്രിസ്റ്റഫർ വെൽഡെ ആണ് പോളണ്ട് ടീമിന് ആയി സമനില നേടിയത്. മറ്റൊരു ക്വാർട്ടർ ഫൈനലിൽ ഫ്രഞ്ച് ക്ലബ് നീസ് സ്വിസ് ക്ലബ് ബേസലിനോട് സമനില വഴങ്ങി.

ഇരു ക്ലബുകളും രണ്ടു വീതം ഗോളുകൾ ആണ് മത്സരത്തിൽ നേടിയത്. സെകി അംദൗനി സ്വിസ് ക്ലബിന് ആയി പെനാൽട്ടി അടക്കം ഇരട്ടഗോളുകൾ നേടിയപ്പോൾ തെരേം മോഫിയുടെ ഇരട്ടഗോളുകൾ ഫ്രഞ്ച് ക്ലബിന് സമനില സമ്മാനിച്ചു. ഇതിൽ ഒരു ഗോൾ ഉഗ്രൻ ഓവർ ഹെഡ് ഗോൾ ആയിരുന്നു. മറ്റൊരു മത്സരത്തിൽ ഡച്ച് ക്ലബ് എ.സി അൽക്മാറിനെ ബെൽജിയം വമ്പന്മാർ ആയ ആണ്ടർലെക് എതിരില്ലാത്ത 2 ഗോളുകൾക്ക് തോൽപ്പിച്ചു. മിഖായേൽ മുരില്ലോ, മജീദ് അഷിമെരു എന്നിവർ ആണ് ബെൽജിയം ക്ലബിന് ആയി ഗോളുകൾ നേടിയത്. അടുത്ത ആഴ്ചയാണ് രണ്ടാം പാദ ക്വാർട്ടർ ഫൈനൽ മത്സരങ്ങൾ.