Category: Conference League

കോവിഡ് -19 അണുബാധ പൊട്ടിപ്പുറപ്പെട്ടതിനെത്തുടർന്ന് മാറ്റിവെച്ച ടോട്ടൻഹാം ഹോട്‌സ്‌പറിന്റെ റെന്നസിന് എതിരായ യൂറോപ്പ കോൺഫറൻസ് ലീഗ് മത്സരം ഇനി നടക്കില്ല. കളി മാറ്റിവെക്കാൻ വേണ്ടി നടന്ന ചർച്ചകളിൽ ഇരു ക്ലബ്ബുകൾക്കും യോജിച്ച ഒരു പരിഹാരം കണ്ടെത്താൻ കഴിഞ്ഞില്ലെന്ന് യൂറോപ്യൻ ഫുട്ബോൾ ഗവേണിംഗ് ബോഡി യുവേഫ പറഞ്ഞു. അതുകൊണ്ട് തന്നെ കളി ഉപേക്ഷിക്കുന്നു എന്നും പോയിന്റുകൾ എങ്ങനെ നൽകണം എന്ന് പിന്നീട് അറിയിക്കും എന്നും യുവേഫ പറഞ്ഞു.
ഇതോടെ സ്പർസ് ഗ്രൂപ്പ് ഘട്ടം കടക്കുന്ന കാര്യം സംശയമായി. ഗ്രൂപ്പിൽ സ്പർസ് മൂന്നാമത് നിൽക്കുക ആയിരുന്നു. അവസാന മത്സരത്തിൽ ജയിച്ചാൽ മാത്രമെ അവർക്ക് പ്രതീക്ഷ ഉണ്ടായിരുന്നുള്ളൂ. റെന്ന നേരത്തെ തന്നെ യോഗ്യത ഉറപ്പിച്ചിട്ടുണ്ട്.

കൊറോണ ഭീഷണിയായ സാഹചര്യത്തിൽ ഇന്നു നടക്കേണ്ടിയിരുന്ന സ്പർസും റെന്നെയും തമ്മിലുള്ള യുവേഫ കോൺഫറൻസ് ലീഗ് മത്സരം മാറ്റിവെച്ചു. ഇംഗ്ലീഷ് ക്ലബായ ടോട്ടനത്തിൽ എട്ട് കളിക്കാരും അഞ്ച് സ്റ്റാഫ് അംഗങ്ങളും കൊറോണ പോസിറ്റീവ് ആയതായി ഇന്നലെ സ്ഥിരീകരിച്ചിരുന്നു. ഇത് കണക്കിലെടുത്താണ് മത്സരം മാറ്റിവെച്ചത്. മത്സരം മറ്റൊരു തീയതിയിൽ നടക്കുമെന്ന് യുവേഫ അറിയിച്ചു.

ഞായറാഴ്ച ബ്രൈറ്റണിൽ നടക്കുന്ന സ്പർസിന്റെ പ്രീമിയർ ലീഗ് മത്സരം മാറ്റിവയ്ക്കാനും ക്ലബ് ആവശ്യപ്പെടും. പ്രീമിയർ ലീഗ് ക്ലബായ ലെസ്റ്റർ സിറ്റിയിലും നിരവധി കൊറോണ കേസുകൾ റിപ്പോർട്ട് ചെയ്തിട്ടുണ്ട്.

യുഫേഫ കോൺഫറൻസ് ലീഗിൽ ജോസെ മൗറീന്യോയുടെ റോമക്ക് സമനില. നോർവീജിയൻ ജേതാക്കൾ ആയ ബോഡോക്ക് എതിരെ കഴിഞ്ഞ കളിയിൽ വമ്പൻ തോൽവി ഏറ്റുവാങ്ങിയ റോമ ഇത്തവണ 2-2 നു സമനില കൊണ്ടു രക്ഷപ്പെടുക ആയിരുന്നു. മത്സരത്തിൽ 45 മത്തെ മിനിറ്റിൽ സോൽബാക്കന്റെ ഗോളിൽ നോർവീജിയൻ ടീം ആണ് മത്സരത്തിൽ മുന്നിലെത്തിയത്. തുടർന്ന് സനിയോളയുടെ പാസിൽ നിന്നു 54 മത്തെ മിനിറ്റിൽ എൽ ഷരാവരിയാണ് റോമക്ക് സമനില ഗോൾ നൽകുന്നത്.

എന്നാൽ 65 മത്തെ മിനിറ്റിൽ എറിക് ബോതേയിം റോമയെ വീണ്ടും ഞെട്ടിച്ചു. കഴിഞ്ഞ കളിയിൽ റോമക്ക് എതിരെ 2 ഗോളുകളും ഹാട്രിക് അസിസ്റ്റുകളും നേടിയ താരം ഒരിക്കൽ കൂടി റോമ വലയിൽ പന്ത് എത്തിച്ചു. തുടർന്ന് സമനില നേടാൻ റോമ കിണഞ്ഞു ശ്രമിക്കുന്നത് ആണ് കാണാൻ ആയത്. ഇടക്ക് പോസ്റ്റ് റോമക്ക് മുന്നിൽ തടസ്സമായി. എന്നാൽ 84 മത്തെ മിനിറ്റിൽ റോജർ ഇബാനസ് മൗറീന്യോയുടെ ടീമിന്റെ രക്ഷക്ക് എത്തുക ആയിരുന്നു.

യുഫേഫ കോൺഫറൻസ് ലീഗിൽ ടോട്ടൻഹാമിനെ അട്ടിമറിച്ചു ഡച്ച് ടീം ആയ വിറ്റസെ. മറുപടിയില്ലാത്ത ഒരു ഗോളിന് ആണ് ഡച്ച് ടീം ചരിത്ര ജയം സ്വന്തമാക്കിയത്. തങ്ങളുടെ ചരിത്രത്തിൽ ഇത് ആദ്യമായാണ് അവർ ഒരു ഇംഗ്ലീഷ് ക്ലബിനെ തോൽപ്പിക്കുന്നത്. എതിരാളിയുടെ മൈതാനത്ത് ഏതാണ്ട് ദുർബലമായ ടീമും ആയി ഇറങ്ങിയ ഇംഗ്ലീഷ് ടീമിനെ 78 മിനിറ്റിൽ മാക്സിമില്യൻ വിറ്റക് നേടിയ മികച്ച ഒരു ഗോളിലൂടെയാണ് ഡച്ച് ടീം അട്ടിമറിച്ചത്.

യുഫേഫ കോൺഫറൻസ് ലീഗിൽ ഇത് വരെ വലിയ മികവിലേക്ക് ഉയരാൻ ടോട്ടൻഹാമിനു ആയിട്ടില്ല. ഗ്രൂപ്പ് ഘട്ടത്തിൽ ടോട്ടൻഹാം സമനിലക്ക് ശേഷം വഴങ്ങുന്ന തോൽവി ആണ് ഇത്. തോൽവിയോടെ നിലവിൽ ഗ്രൂപ്പ് ജിയിൽ മൂന്നാമത് ആണ് ടോട്ടൻഹാം. കഴിഞ്ഞ മാസം ആഴ്‌സണലിനോട് തോറ്റ ശേഷം ടോട്ടൻഹാം വഴങ്ങുന്ന ആദ്യ തോൽവി ആണ് ഇത്.

ജോസെ മൗറീനോയ്ക്കും റോമയ്ക്കും ഇന്നത്തെ രാത്രി അവർ ഓർക്കാൻ ആഗ്രഹിക്കാത്ത രാത്രിയായി മാറിയിരിക്കുകയാണ്. കോൺഫറൻസ് ലീഗിൽ ഇന്ന് നടന്ന മത്സരത്തിൽ നോർവീജിയൻ ചാമ്പ്യന്മാരായ ബോഡോ ഗ്ലിംറ്റ് റോമയെ നാണം കെടുത്തി എന്ന് തന്നെ പറയാം. ഇന്ന് 6-1ന്റെ വിജയമാണ് ഗ്ലിംറ്റ് ഇന്ന് നേടിയത്. ജോസെ മൗറീനോ തന്റെ മാനേജീരിയൽ കരിയറിൽ ഇതാദ്യമായാണ് 6 ഗോളുകൾ വഴങ്ങുന്നത്. റോമയ്ക്ക് ആണെങ്കിൽ ഇത് അവരുടെ യൂറോപ്പിലെ വലിയ നാലു പരാജയങ്ങളിൽ ഒന്നുമാണ്.

ഇന്ന് ആദ്യ 20 മിനുട്ടിൽ തന്നെ നോർവീജിയൻ ക്ലബ് രണ്ടു ഗോളുകൾക്ക് മുന്നിൽ എത്തിയിരുന്നു. ബോതിയിമും ബെർഗുമാണ് ആദ്യ രണ്ട് ഗോളുകൾ നേടിയത്. 28ആം മിനുട്ടിൽ കാർലസ് പെരസ് ഒര് ഗോൾ മടക്കിയെപ്പോൾ റോമക്ക് ഒരു പ്രതീക്ഷ നൽകിയെങ്കിലും പിന്നെ റോമക്ക് പിടിച്ചു നിൽക്കാൻ പോലും ആയില്ല. രണ്ടാം പകുതിയിൽ ബോതിം രണ്ട് ഗോളുകൾ കൂടെ നേടി ഹാട്രിക്ക് പൂർത്തിയാക്കി. ഇത് കൂടാതെ സോൽബക്കൻ, പെല്ലെഗ്രിനോ എന്നിവരും രണ്ടാം പകുതിയിൽ ഗോൾ നേടി. കോൺഫറൻസ് ലീഗിലെ റോമയുടെ ആദ്യ പരാജയമാണിത്.

പുതിയ യൂറോപ്യൻ ലീഗായ കോൺഫറൻസ് ലീഗിൽ റോമക്ക് രണ്ടാം വിജയം. ഇന്ന് ഗ്രൂപ്പ് ഘട്ടത്തിൽ യുക്രൈൻ ക്ലബായ സോർയ ലുഹാൻസ്കയെ നേരിട്ട റോമ എതിരില്ലാത്ത മൂന്നു ഗോളുകൾക്കാണ് വിജയിച്ചത്. യുക്രൈനിൽ വെച്ച് നടന്ന മത്സരത്തിൽ മൗറീനോയുടെ ടീം തന്നെയാണ് തുടക്കം മുതൽ മികച്ചു നിന്നത്. ഏഴാം മിനുട്ടിൽ ഫറവോൺ ആണ് റോമയ്ക്ക് ആദ്യം ലീഡ് നൽകിയത്. 66ആം മിനുട്ടിൽ സെന്റർ ബാക്ക് ക്രിസ് സ്മാളിങ് രണ്ടാം ഗോളും നേടി. സ്മാളിംഗിന്റെ ഈ സീസണിലെ ആദ്യ ഗോളാണിത്. 68ആം മിനുട്ടിൽ ടാമി അബ്രഹാമും റോമയ്ക്കായി വല കുലുക്കി. ഈ വിജയത്തോടെ റോമ 6 പോയിന്റുമായി ഗ്രൂപ്പിൽ ഒന്നാമത് നിൽക്കുകയാണ്.

യുവേഫ പുതുതായി ആരംഭിക്കുന്ന യൂറോപ്യൻ പോരാട്ടമായി കോൺഫറൻസ് ലീഗിലെ കിരീടം യുവേഫ ആദ്യമായി പുറത്തിറക്കി. ചാമ്പ്യൻസ് ലീഗിലും യൂറോപ്പ ലീഗിലും യോഗ്യത ലഭിക്കാത്ത ക്ലബുകൾക്ക് വേണ്ടിയാണ് കോൺഫറൻസ് ലീഗ് ആരംഭിക്കുന്നത്. യുവേഫയുടെ കീഴിൽ ഉള്ള 55. അസോസിയേഷനുകൾക്കും ഈ ടൂർണമെന്റിന്റെ ഭാഗമാകാൻ കഴിയും. 183 ടീമുകൾ കോൺഫറൻസ് ലീഗിന്റെ ആദ്യ സീസണിൽ പങ്കെടുക്കും എന്നാണ് യുവേഫ പറയുന്നത്.

2022 മെയ് 25ന് അൽബേനിയയിൽ വെച്ചാകും കോൺഫറൻസ് ലീഗിന്റെ ആദ്യ ഫൈനൽ നടക്കുക. യൂറോപ്പ ലീഗിന്റെ ആന്തം തന്നെയാലും കോൺഫറൻസ് ലീഗിനും ഉപയോഗിക്കുക. യോഗ്യത റൗണ്ടുകൾക്ക് ശേഷം 32 ടീമുകൾ ഉള്ള ഗ്രൂപ്പുകളായാകും ടൂർണമെന്റ് നടക്കുക.