കഴിഞ്ഞ ദിവസം പരിശീലകൻ സാബ്രി ലമൗചിയെ പുറത്താക്കിയ നോട്ടിങ്ഹാം ഫോറസ്റ്റ് പുതിയ പരിശീലകനെ നിയമിച്ചു. മുൻ ബ്രൈറ്റൺ പരിശീകൻ ക്രിസ് ഹൗട്ടണാണ് നോട്ടിങ്ഹാമിൽ എത്തിയിരികുന്നത്. അവസാന പത്ത് വർഷത്തിനിടയിൽ നോട്ടിങ്ഹാം നടത്തുന്ന 13ആമത്തെ പരിശീലക മാറ്റമാണിത്. സീസൺ തുടക്കത്തിൽ തന്നെ നാലു പരാജയങ്ങൾ ഏറ്റുവാങ്ങിയതാണ് സാബ്രിയെ പുറത്താക്കാൻ കാരണം. കഴിഞ്ഞ സീസണിൽ നോട്ടിങ്ഹാമിനെ പ്ലേ ഓഫിന് അടുത്ത് എത്തിക്കാൻ സാബ്രിക്ക് ആയിരുന്നു.
മുമ്പ് ന്യൂകാസിൽ യുണൈറ്റഡിനെയും ബ്രൈറ്റണെയും പ്രീമിയർ ലീഗിലേക്ക് എത്തിച്ച പരിശീലകനാണ് ഹൗട്ടൺ. നോട്ടിങ്ഹാമിന്റെയും ലക്ഷ്യം പ്രീമിയർ ലീഗ് തന്നെയാണ്. ഒരു സീസൺ മുമ്പ് ബ്രൈറ്റൺ പരിശീലക സ്ഥാനത്ത് നിന്ന് പുറത്തായതിനു ശേഷം വേറെ ചുമതല ഒന്നും ക്രിസ് ഹൗട്ടൺ ഏറ്റെടുത്തിരുന്നില്ല.
