ലണ്ടണിൽ ഇന്ന് ചെൽസിയെ അന്വേഷിച്ച് റയൽ മാഡ്രിഡ് എത്തുന്നു

20220406 004914

ചാമ്പ്യൻസ് ലീഗിൽ ഇന്ന് ഒരു സൂപ്പർ പോരാട്ടമാണ്. നിലവിലെ ചാമ്പ്യൻസ് ലീഗ് ജേതാക്കളായ ചെൽസി ഏറ്റവും കൂടുതൽ ചാമ്പ്യൻസ് ലീഗ് കിരീടങ്ങൾ നേടിയിട്ടുള്ള റയൽ മാഡ്രിഡിനെ നേരിടുന്നു. 2020-21 ചാമ്പ്യൻസ് ലീഗ് സെമി ഫൈനലിന്റെ ആവർത്തനം കൂടിയാണ് ഈ പോര്.

ലീഗ് 1 ചാമ്പ്യന്മാരായ ലില്ലയെ 4-1ന് തോൽപ്പിച്ചാണ് തോമസ് ടുഷലിന്റെ ടീം ക്വാർട്ടറിലെത്തിയത്‌. അവസാന കുറച്ച് കാലമായി അത്ര നല്ല ഫോമിൽ അല്ല ചെൽസി. കഴിഞ്ഞ മത്സരത്തിൽ അവർ ബ്രെന്റ്ഫോഡിനോട് 4-1ന്റെ പരാജയം ഏറ്റുവാങ്ങുകയും ചെയ്തിരുന്നു.
20220406 004939

റയൽ മാഡ്രിഡ് പി എസ് ജിയെ മറികടന്ന് കൊണ്ടാണ് ചാമ്പ്യൻസ് ലീഗ് ക്വാർട്ടർ ഫൈനലിലേക്ക് എത്തിയത്. ലാലിഗയിൽ ഒന്നാം സ്ഥാനത്ത് വലിയ ലീഡിൽ നിൽക്കുന്ന റയൽ മാഡ്രിഡ് ഇന്ന് ചെൽസിയെ തോൽപ്പിക്കാം എന്ന ആത്മവിശ്വാസത്തിൽ ആകും. റയൽ മാഡ്രിഡ് നിരയിൽ ഇന്ന് പരിക്ക് കാരണം ഹസാർഡ് ഉണ്ടാകില്ല.

ഇന്നത്തെ മത്സരം സോണി ലൈവിലും സോണിയുടെ സ്പോർട്സ് ചാനലുകളിലും തത്സമയം കാണാം.

Previous articleഈജിപ്തിനെ തോൽപ്പിച്ച് ഇന്ത്യൻ ഫുട്ബോൾ ടീം!
Next articleഹിഗ്വയിൻ ഈ സീസണോടെ വിരമിക്കും എന്ന് താരത്തിന്റെ പിതാവ്