ഹിഗ്വയിൻ ഈ സീസണോടെ വിരമിക്കും എന്ന് താരത്തിന്റെ പിതാവ്

അർജന്റീന സ്‌ട്രൈക്കർ ഹിഗ്വയിൻ ഈ സീസൺ അവസാനത്തോടെ വിരമിക്കുമെന്ന് ഗോൺസാലോ ഹിഗ്വെയ്‌ന്റെ പിതാവ് ജോർജ്ജ് വെളിപ്പെടുത്തി. 34 കാരനായ ഹിഗ്വയിൻ നിലവിൽ അമേരിക്കൻ ക്ലബായ ഇന്റർ മിയാമിയിൽ കളിക്കുകയാണ്‌. ഒരു പ്രൊഫഷണൽ ഫുട്ബോൾ കളിക്കാരനെന്ന നിലയിൽ അദ്ദേഹത്തിന്റെ അവസാനത്തേതായിരിക്കുമെന്ന് ഹിഗ്വയിന്റെ പിതാവ് പറഞ്ഞു.

അമേരിക്കയിലെ സീസൺ നവംബറിൽ ആണ് അവസാനിക്കുന്നത്. അതുവരെ ഹിഗ്വയിൻ കളി തുടരും. ഹിഗ്വയിൻ അർജന്റീനയിലേക്ക് മടങ്ങുമെന്ന് ഞാൻ കരുതുന്നില്ല എന്നും സീസൺ അവസാനത്തോടെ വിരമിക്കുമെന്ന് മകൻ എന്നോട് പറഞ്ഞു എന്നും ഹിഗ്വെയ്‌ന്റെ പിതാവ് അർജന്റീനയിലെ ഒരു മാധ്യമത്തോട് പറഞ്ഞു.

നാപോളി, യുവന്റസ്, മിലാൻ, റയൽ മാഡ്രിഡ്, ചെൽസി എന്നിവരുടെ ജേഴ്സി അണിഞ്ഞിട്ടുള്ള താരമാണ് ഹിഗ്വയിൻ. ഇറ്റലിൽ താരം 224 മത്സരങ്ങളിൽ നിന്ന് 125 ഗോളുകൾ നേടിയിരുന്നു.