എമിറേറ്റ്സിൽ വീണ്ടും ജോടാരാജ്! ആഴ്സണലിനെ വീഴ്ത്തി ലിവർപൂൾ ലീഗ് കപ്പ് ഫൈനലിൽ

Img 20220121 084639

ലീഗ് കപ്പ് സെമി ഫൈനലിന്റെ രണ്ടാം പാദത്തിൽ ലിവർപൂൾ ആഴ്സണലിനെ തകർത്തു. ആദ്യ പാദത്തിലെ ഗോൾ രഹിത സമനിലക്ക് ശേഷം ആഴ്സണലിന്റെ ഗ്രൗണ്ടായ എമിറേറ്റ്സിൽ ഇറങ്ങിയ ലിവർപൂൾ എതിരില്ലാത്ത രണ്ടു ഗോളുകൾക്കാണ് വിജയിച്ചത്. സലായുടെയും മാനെയുടെയും അഭാവത്തിൽ അറ്റാക്കിംഗ് ദൗത്യം ഏറ്റെടുത്ത ഡിയോഗോ ജോടയാണ് രണ്ട് ഗോളുകളും നേടിയത്.

തുടക്കത്തിൽ 19ആം മിനുട്ടിൽ ഒറ്റയ്ക്ക് ആഴ്സണൽ ഡിഫൻസിനെ മറികടന്ന് കുതിച്ച് ഒരു ചീകി ഷോട്ടിലൂടെ ആയിരുന്നു ജോട ആദ്യ ഗോൾ നേടിയത്‌. 79ആം മിനുട്ടിൽ ട്രെന്റ് അർനോൾഡിന്റെ ഒരു ലോങ് ബോൾ സ്വീകരിച്ച് റാംസ്ഡൈലിന് മുകളിലൂടെ പന്ത് തൊടുത്ത് ജോട രണ്ടാം ഗോളും നേടി. ആഴ്സണലിന് എതിരെ അവസാന അഞ്ചു മത്സരങ്ങളിൽ നിന്ന് ആറ് ഗോളുകൾ ജോട നേടി‌. കളിയിലെ രണ്ട് ഗോളുകളുടെയുൻ അസിസ്റ്റ് അലക്സാണ്ടർ അർനോൾഡ് ആയിരുന്നു‌.

ആഴ്സണൽ താരം തോമസ് പാർട്ടെ കളിയുടെ അവസാന നിമിഷങ്ങളിൽ ചുവപ്പ് കണ്ട് പുറത്തായി‌. ഫൈനലിൽ ചെൽസിയെ ആകും ലിവർപൂൾ നേരിടുക.

Previous articleഅൻസു ഫതിക്കു വീണ്ടും പരിക്ക്, ആശങ്കയിൽ ബാഴ്സലോണ
Next articleഇന്ത്യ – പാക് പോരാട്ടം എംസിജിയിൽ