ബയേൺ മ്യൂണിക്കിന്റെ താത്കാലിക പരിശീലകൻ ഹൻസി ഫ്ലിക്ക് ഈ സീസൺ അവസാനം വരെ ബയേൺ മ്യൂണിക്കിൽ തുടരും. ക്ലബ് തന്നെയാണ് സീസൺ അവസാനം വരെ ബയേൺ മ്യൂണിക്കിൽ തുടരുമെന്ന് പ്രഖ്യാപിച്ചത്. താരം അടുത്ത സീസണിൽ ക്ലബ്ബിന്റെ സ്ഥിര പരിശീലകനാവാനുള്ള സാധ്യതയും ക്ലബ് മുന്നോട്ട് വെക്കുന്നുണ്ട്.
ഈ കഴിഞ്ഞ നവംബറിൽ മോശം പ്രകടനത്തെ തുടർന്നാണ് പരിശീലക സ്ഥാനത്ത് നിന്ന് കോവാക്കിനെ ബയേൺ മ്യൂണിക് പുറത്താക്കിയത്. തുടർന്ന് ഹൻസി ഫ്ലിക്കിന് കീഴിൽ 10 മത്സരങ്ങൾ ജയിച്ച ബയേൺ മ്യൂണിക് ജയിച്ചതോടെയാണ് ഫ്ലികിനെ ഈ സീസൺ അവസാനം വരെ പരിശീലകനാക്കാൻ ബയേൺ മ്യൂണിക് തീരുമാനിച്ചത്.
2014ൽ ജർമ്മനി ലോകകപ്പ് കിരീടം നേടിയപ്പോൾ സഹ പരിശീലകനായി ഹൻസി ഫ്ലിക് ഉണ്ടായിരുന്നു. നിലവിൽ ബുണ്ടസ്ലിഗയിൽ ഒന്നാം സ്ഥാനത്തുള്ള ലെയിപ്സിഗിനെക്കാൾ നാല് പോയിന്റ് പിറകിലാണ് ബയേൺ മ്യൂണിക്.
