ജർമ്മൻ യുവതാരം സെർജ് ഗ്നാബ്രി 2023 വരെ ബയേണിൽ തുടരും. 23 കാരനായ ജർമ്മൻ താരം മൂന്നു വർഷത്തേക്ക് കൂടിയാണ് തന്റെ കരാർ നീട്ടിയത്. ജൂൺ 2020 വരെയായിരുന്നു താരത്തിന്റെ നിലവിലെ കരാർ. ഈ സീസണിൽ ബയേൺ മ്യൂണിക്കിന് വേണ്ടി 29 മത്സരങ്ങളിൽ കളിച്ച താരം 8 ഗോളുകളും നേടിയിട്ടുണ്ട്. കരാർ നീട്ടി നൽകുന്നതിലൂടെ ബയേണിന്റെ ഭാവി പദ്ധതികളിൽ സ്ഥാനമുറപ്പിക്കാൻ ഗ്നാബ്രിക്ക് കഴിഞ്ഞു.
2012 ൽ ആഴ്‌സണലിലൂടെയാണ് ഗ്നാബ്രി തന്റെ പ്രൊഫഷണൽ കരിയർ ആരംഭിക്കുന്നത്. പിന്നീട് വെസ്റ്റ് ബ്രോം വെർഡർ ബ്രെമൻ, ഹോഫൻഹെയിം എന്നി ടീമുകൾക്ക് വേണ്ടിയും താരം ബൂട്ടണിഞ്ഞിട്ടുണ്ട്. ജർമ്മനിക്ക് വേണ്ടി U-21 ചാമ്പ്യൻഷിപ്പ് ജയിച്ച താരം ഒളിംപിക്സിൽ വെള്ളിമെഡലും നേടിയിട്ടുണ്ട്.
