സ്വിസ് മുന്നേറ്റനിര താരം എമ്പോളോ ഇനി മൊണാകോയിൽ

20220716 015348

സ്വിസ് മുന്നേറ്റനിര താരം ബ്രീൽ എമ്പോളോ ഇനി ഫ്രഞ്ച് ലീഗ് വൺ ക്ലബായ എ.എസ് മൊണാകോയിൽ. ജർമ്മൻ ക്ലബ് ആയ ബൊറൂസിയ ഗ്ലബാകിൽ നിന്നാണ് താരം ഏതാണ്ട് 12.5 മില്യൺ യൂറോക്ക് മൊണാകോയിലേക്ക് ചേക്കേറുന്നത്. പലപ്പോഴും അച്ചടക്കമില്ലായ്മ പരാതി ആയി ഉയരാറുള്ള താരം കൂടിയാണ് എമ്പോളോ.

സ്വിസ് ക്ലബ് ബേസലിൽ നിന്നു ആദ്യം ജർമ്മൻ ക്ലബ് ഷാൽക്കയിലേക്കും പിന്നീട് ഗ്ലബാകിലേക്കും താരം ചേക്കേറിയിരുന്നു. ജർമ്മൻ ക്ലബും ആയി ഒരു വർഷത്തെ കരാർ ബാക്കിയുള്ളപ്പോൾ ആണ് താരത്തിന്റെ കൂറുമാറ്റം. മൊണാകോ ഫുട്‌ബോൾ ഡയറക്ടർ പോൾ മിച്ചലിന്റെ പ്രത്യേക താൽപ്പര്യപ്രകാരം കൂടിയാണ് താരം മൊണാകോയിൽ എത്തുന്നത്.