എന്റമ്മോ! ബുണ്ടസ് ലീഗയിൽ ഡോർട്ട്മുണ്ടിന് എതിരെ 89 മിനിറ്റുകൾക്ക് ശേഷം 2-0 ൽ നിന്നു 3-2 ന്റെ ജയം പിടിച്ചെടുത്തു വെർഡർ ബ്രമൻ തിരിച്ചുവരവ് | Report

ജർമ്മൻ ബുണ്ടസ് ലീഗയിൽ അവിശ്വസനീയ തിരിച്ചു വരവു നടത്തി ബൊറൂസിയ ഡോർട്ട്മുണ്ടിനെ തോൽപ്പിച്ചു വെർഡർ ബ്രമൻ.

ജർമ്മൻ ബുണ്ടസ് ലീഗയിൽ അവിശ്വസനീയ തിരിച്ചു വരവു നടത്തി ബൊറൂസിയ ഡോർട്ട്മുണ്ടിനെ തോൽപ്പിച്ചു വെർഡർ ബ്രമൻ.

ജർമ്മൻ ബുണ്ടസ് ലീഗയിൽ അവിശ്വസനീയ തിരിച്ചു വരവു നടത്തി ബൊറൂസിയ ഡോർട്ട്മുണ്ടിനെ തോൽപ്പിച്ചു വെർഡർ ബ്രമൻ. ഡോർട്ട്മുണ്ടിന്റെ മൈതാനത്ത് മത്സരത്തിൽ 89 മിനിറ്റ് വരെ 2-0 നു പിന്നിൽ നിന്ന ശേഷം 3 ഗോളുകൾ ഇതിൽ രണ്ടും ഇഞ്ച്വറി സമയത്ത് അടിച്ചാണ് ബ്രമൻ അവിശ്വസനീയ ജയം പിടിച്ചെടുത്തത്. ഗോളുകൾ ആദ്യം നേടിയത് ഡോർട്ട്മുണ്ട് ആയിരുന്നു എങ്കിലും മത്സരത്തിൽ കൂടുതൽ അവസരങ്ങൾ തുറന്നത് ബ്രമൻ തന്നെയായിരുന്നു.

ഗോൾ രഹിതം ആവും എന്ന ആദ്യ പകുതിയിൽ ആദ്യ പകുതിയുടെ ഇഞ്ച്വറി സമയത്ത് ഡോർട്ട്മുണ്ട് ഗോൾ നേടി. ക്യാപ്റ്റൻ മാർകോ റൂയിസിന്റെ പാസിൽ നിന്നു ജൂലിയൻ ബ്രാന്റ് ആണ് ആതിഥേയർക്ക് മുൻതൂക്കം നൽകിയത്. രണ്ടാം പകുതിയിൽ 77 മത്തെ മിനിറ്റിൽ കോർണറിൽ നിന്നു ലഭിച്ച അവസരത്തിൽ മാർകോ റൂയിസിന്റെ തന്നെ പാസിൽ നിന്നു ബോക്സിന് പുറത്ത് നിന്ന് ഗോൾ നേടിയ റാഫേൽ ഗുയേരിയ ഡോർട്ട്മുണ്ടിന് രണ്ടാം ഗോളും സമ്മാനിച്ചു. ഇടക്ക് ഹമ്മൽസിന്റെ ഹാന്റ് ബോളിന് പെനാൽട്ടി നൽകാത്തത് ബ്രമന് നിരാശ നൽകി. ജയം ഉറപ്പിച്ച ഡോർട്ട്മുണ്ട് പിന്നീട് ഞെട്ടുന്നത് ആണ് കാണാൻ ആയത്. പകരക്കാരുടെ ഗോളുകൾ ബ്രമനു ജയം സമ്മാനിക്കുന്ന കാഴ്ച അവിശ്വസനീയം ആയിരുന്നു.

ബുണ്ടസ് ലീഗ

തൊണ്ണൂർ മിനിറ്റിനു തൊട്ടുമുമ്പ് ഒരു അതുഗ്രൻ ഗോളിലൂടെ പകരക്കാരനായി ഇറങ്ങിയ ലീ ബുകനൻ ബ്രമനു ആയി ഒരു ഗോൾ മടക്കി. അതിസുന്ദരമായ ഒരു ഷോട്ട് ആയിരുന്നു ഈ ഗോൾ. ഇഞ്ച്വറി സമയത്ത് 93 മത്തെ മിനിറ്റിൽ അമോസ് പൈപറിന്റെ ക്രോസിൽ നിന്നു മറ്റൊരു പകരക്കാരൻ നികളസ് ഷിമിറ്റ് ഹെഡറിലൂടെ ബ്രമന് സമനില ഗോൾ നൽകി. രണ്ടു മിനിറ്റിനുള്ളിൽ മത്സരത്തിലെ അവസാന കിക്കിൽ പകരക്കാരനായി ഇറങ്ങിയ ഒലിവർ ബർക് ബ്രമന് സ്വപ്ന ജയം സമ്മാനിച്ചു. മിച്ചൽ വൈസറിന്റെ പാസിൽ നിന്നായിരുന്നു ഒലിവർ ബർകിന്റെ ഈ ഗോൾ പിറന്നത്. സ്വന്തം മൈതാനത്ത് ഡോർട്ട്മുണ്ട് ഉറപ്പിച്ച ജയം കൈവിട്ടപ്പോൾ ബ്രമൻ സ്വപ്നങ്ങളിൽ മാത്രമുള്ള ഒരു ജയം ബുണ്ടസ് ലീഗയിൽ പിടിച്ചെടുത്തു.

Story Highlight : Werder Bremen did unbelievable come back from 2-0 down till 89th minute against Dortmund in Bundesliga.