പ്രീമിയർ ലീഗ്; താളം കണ്ടെത്താൻ ആകാതെ ലെസ്റ്റർ സിറ്റി, സതാമ്പ്ടണു മുന്നിൽ വീണു | Report

പ്രീമിയർ ലീഗ് ഇരട്ട ഗോളുമായി ആഡംസ്, ലെസ്റ്ററിനെ വീഴ്ത്തി സതാംപ്ടൻ

ഇരട്ട ഗോളുകൾ നേടിയ ചെ ആഡംസിന്റെ മികവിൽ ലെസ്റ്ററിനെ വീഴ്ത്തി സതാംപ്ടൻ. ലീഗിലെ മൂന്നാം മത്സരത്തിലും വിജയം കാണാനാവാതെ ലെസ്റ്റർ കുഴങ്ങിയപ്പോൾ സതാംപ്ടണിന് ലീഗിൽ ആദ്യ വിജയം നേടാൻ ആയി.

രണ്ടാം മിനിറ്റിൽ തന്നെ വാർഡിയെ ബോക്‌സിൽ വീഴ്ത്തിയതിന് പെനാൽറ്റി ആവശ്യവുമായി ലെസ്റ്റർ എത്തിയതോടെ ചൂട് പിടിച്ച മത്സരത്തിൽ മാര സതാംപ്ടണിന് വേണ്ടി എതിർ വല കുലുക്കിയെങ്കിലും സൈഡ് റഫറി നേരത്തെ ഓഫ്‌സൈഡ് വിധിച്ചിരുന്നു. മാഡിസന്റെ ഫ്രീകിക്ക് കീപ്പർ തട്ടിയകറ്റി. ആദ്യ പകുതി ഗോൾ രഹിതമായി തീർന്നു.

പ്രീമിയർ ലീഗ്

അൻപതിനാലാം മിനിറ്റിൽ ലെസ്റ്ററിന്റെ ഗോൾ എത്തി. ഇത്തവണ ഫ്രീ കിക്ക് നേരിട്ട് ഗോൾ വലയിൽ എത്തിക്കാൻ താരത്തിനായി. ബെല്ലാ കെച്ചപ്പിന്റെ അസിസ്റ്റിൽ ആഡംസ് സതാംപ്ടൻ സമനില ഗോൾ നേടി. മുഴുവൻ സമയത്തിന് ആറു മിനിറ്റ് ബാക്കി നിൽക്കെ സതാംപ്ടൻ വിജയ ഗോൾ നേടി. ഇത്തവണയും ആഡംസ് തന്നെ എതിർ വല കുലുക്കി. വാർഡ് പ്രോസിന്റെ ക്രോസിൽ വോളി ഉതിർത്ത ആഡംസിന്റെ ഷോട്ട് ഗോളിക്ക് പിടി കൊടുക്കാതെ വലയിലേക്ക് കടന്നു. ഇഞ്ചുറി ടൈമിന്റെ അവസാനം വീണ്ടും ആഡംസിന് ഗോൾ നേടാൻ അവസരം വന്നെങ്കിലും നിർഭാഗ്യം വിനയായി.

പ്രീമിയർ ലീഗ് സീസണിലെ മൂന്നാം മത്സരത്തിലും വിജയം നേടാൻ ആവാത്ത ലെസ്റ്റർ ടേബിളിൽ താഴെക്കെത്തി. ട്രാൻസ്ഫർ വിൻഡോയിൽ കാര്യമായ നീക്കങ്ങൾ ഒന്നും നടത്താതിരുന്ന ഇവർക്ക് മുന്നോട്ടുള്ള മത്സരങ്ങളും വെല്ലുവിളി ആവുമോ എന്നുള്ളത് ആരാധകരെയും ആശങ്കയിൽ ആഴ്ത്തുന്നുണ്ട്.