ബുണ്ടസ് ലീഗയിൽ ബയേൺ മ്യൂണിക്കിന് ജയം. എതിരില്ലാത്ത ഒരു ഗോളിനാണ് ആർബി ലെപ്സിഗിനെ ബയേൺ പരാജയപ്പെടുത്തിയത്. ഫ്രാങ്ക് റിബറിയുടെ ഗോളിലാണ് ബയേണിന്റെ ജയം. ഈ ജയത്തോടെ ടേബിൾ ടോപ്പേഴ്സായ ബൊറുസിയ ഡോർട്ട്മുണ്ടുമായുള്ള പോയന്റ് വ്യത്യാസം ആറായി കുറയ്ക്കാൻ ബയേണിന് കഴിഞ്ഞു.
മത്സരത്തിന്റെ ഇഞ്ചുറി ടൈമിൽ ഇരട്ട ചുവപ്പ് കാർഡുകൾ പിറന്നു. തിയാഗോയെ ഫൗൾ ചെയ്തതിന് സ്വീഡിഷ് താരം സ്റ്റീഫൻ ഇൽസാങ്കർ ചുവപ്പ് കണ്ട് പുറത്ത് പോയി. തിയാഗോ നിലത്ത് വീണത് കണ്ട് സ്റ്റീഫനെ ടണൽ വരെ പിന്തുടർന്ന റെനാറ്റോ സാഞ്ചസ് രണ്ടാം മഞ്ഞ വാങ്ങി കളം വിട്ടു. ബൊറുസിയ ഡോർട്ട്മുണ്ടിനെ ഫോർച്യൂണ തളച്ച അവസരം മുതലെടുത്താണ് തുടർച്ചയായ ഏഴാം കിരീടപ്പോരാട്ടത്തിലേക്ക് ബയേൺ കടന്നത്.
