ഇനി ബയേണ് വേണ്ടി കാത്തിരിപ്പില്ല, വെർണർ 2023 വരെ ലെപ്സിഗിൽ

- Advertisement -

ഇനി ബയേണ് മ്യൂണിക്കിന് വേണ്ടി കാത്തിരിപ്പില്ല. ജർമ്മൻ യുവതാരം തീമോ വെർണർ 2023 വരെ ലെപ്സിഗിൽ തുടരാൻ തീരുമാനിച്ചു. ജർമ്മൻ ചാമ്പ്യന്മാരായ ബയേൺ മ്യൂണിക്ക് ലെപ്സിഗിൽ നിന്നും വെർണറെ സ്വന്തമാക്കുമെന്ന് കരുതിയെങ്കിലും ഒഫീഷ്യൽ ബിഡിനായി ബയേൺ തയ്യാറായിരുന്നില്ല. സ്റ്റട്ട്ഗാർട്ടിൽ നിന്നും 2016ലാണ് ലെപ്സിഗിലേക്ക് വെർണർ വന്നത്.

ആദ്യ സീസണിൽ തന്നെ 31 മത്സരങ്ങളിൽ 21 ഗോളുകൾ അടിച്ച വെർണർ ആദ്യ സീസണിൽ ലെപ്സിഗിനെ രണ്ടാം സ്ഥാനത്ത് എത്തിക്കാൻ സഹായിച്ചു. 116 മത്സരങ്ങളിൽ 62 ഗോളുകൾ വെർണർ അടിച്ചിട്ടുണ്ട്. ജർമ്മനിയോടോപ്പം കോൺഫെഡറേഷൻ കപ്പ് നേടിയുട്ടുണ്ട് വെർണർ. റഷ്യൻ ലോകകപ്പിൽ ജർമ്മനിക്ക് വേണ്ടിയും വെർണർ കളിച്ചിട്ടുണ്ട്.

Advertisement