എ എഫ് സി കപ്പ്, മോഹൻ ബഗാന്റെ മത്സരങ്ങൾ മാൽഡീവ്സിൽ

Newsroom

Download the Fanport app now!
Appstore Badge
Google Play Badge 1

എ എഫ് സി കപ്പിന്റെ ഗ്രൂപ്പ് മത്സരങ്ങൾ നടത്താനുള്ള വേദി തീരുമാനമായി. ഇന്ത്യൻ ക്ലബായ മോഹൻ ബഗാൻ അടങ്ങുന്ന ഗ്രൂപ്പ് ഡിയിലെ മത്സരങ്ങൾ മാൽഡീവ്സിൽ ആകും നടക്കുക. കൊൽക്കത്ത വേദിയാകാൻ അപേക്ഷിച്ചിരുന്നു എങ്കിലും എ എഫ് സി മാൽഡീവ്സിനാണ് അവസരം നൽകിയത്. മോഹൻ ബഗാൻ, ബംഗ്ലാദേശ് ക്ലബായ ബസുന്ധര കിംഗ്സ്, മാൽഡീവ്സ് ക്ലബായ മസിയ സ്പോർട്സ് ഒപ്പം പ്ലേ ഓഫ് ജയിച്ച് എത്തുന്ന ടീമും ആകും ഗ്രൂപ്പ് ഡിയിൽ ഉണ്ടാവുക.

പ്ലെ ഓഫ് ജയിച്ചാൽ ബെംഗളൂരു എഫ് സിയും മോഹൻ ബഗാനൊപ്പം ഈ ഗ്രൂപ്പിൽ എത്തും. ബഹ്റൈൻ, ജോർദാൻ, കിർഗ്സ് റിപ്പബ്ലിക്, താജികിസ്താൻ, സിംഗപ്പൂർ, ഹോങ്കോങ് എന്നീ രാജ്യങ്ങളും വിവിധ ഗ്രൂപ്പുകളുടെ വേദികളാകുന്നുണ്ട്. ഏപ്രിൽ ഏഴു മുതൽ ഈ സീസൺ എ എഫ് സി കപ്പിന്റെ പ്ലേ ഓഫ് മത്സരങ്ങൾ ആരംഭിക്കും.