ആർദ തുറാൻ ഇസ്താംബുള്ളിലെത്തി,ആരാധകരെ നിയന്ത്രിക്കാൻ ടിയർ ഗ്യാസ് ഉപയോഗിച്ച് പോലീസ്

- Advertisement -

തുർക്കിയുടെ അറ്റാക്കിങ് മിഡ്ഫീൽഡർ ആർദ തുറാൻ ബാഴ്സലോണ വിട്ട് ഇസ്താംബുൾ ബസെക്സിഹിറിലേക്ക് തിരിച്ചെത്തി. ആറ്റടർക്ക് വിമാനത്താവളത്തിൽ ഇസ്താംബുൾ ബസെക്സിഹിറിന്റെ ആരാധകർ തുറാനെക്കാണായി തടിച്ചു കൂടിയിരുന്നു. വർണശബളമായ വരവേൽപ്പാണ് ആരാധകർ സൂപ്പർ ലീഗിലെത്തിയ താരത്തിന് നൽകിയത്. എന്നാൽ കൂട്ടമായെത്തിയ ആരാധകരെ നിയന്ത്രിക്കാൻ ടിയർ ഗ്യാസ് വരെ പൊലീസിന് പ്രയോഗിക്കേണ്ടി വന്നു. പോലീസിന്റെ നടപടിയിൽ പ്രതിഷേധിച്ച ഫുട്ബോൾ ആരാധകർ ” ഞങ്ങൾ ഭീകരവാദികൾ അല്ല, ഫുട്ബോൾ ആരാധകർ “ ആണെന്ന് മുദ്രാവാക്യങ്ങളും മുഴക്കി.

രണ്ടര വർഷത്തേക്ക് ലോൺ അടിസ്ഥാനത്തിൽ ആണ് കാമ്പ്നൗ വിട്ടു ആർദ തുറാൻ ബസെക്സിഹിറിൽ എത്തുന്നത്. 2020ൽ ബാഴ്‌സലോണയിലെ കരാർ അവസാനിക്കുന്നത് വരെ തുറക്കാൻബസെക്സിഹിറിൽ തുടരും. 2015 ജൂലൈയിൽ ആണ് തുറാൻ അത്ലറ്റികോ മാഡ്രിഡ് വിട്ട് ബാഴ്‌സലോണയിൽ എത്തുന്നത്. ആ സമയം ട്രാൻസ്ഫർ ബാൻ ഉണ്ടായിരുന്നതിനാൽ ബാഴ്സലോണക്ക് വേണ്ടി 2016 ജനുവരിയിൽ മാത്രമാണ് തുറാനു അരങ്ങേറാൻ കഴിഞ്ഞത്. നാല് വർഷത്തോളം അത്ലറ്റികോയിൽ കളിച്ച തുറാൻ ലാലിഗ, യൂറോപ്പ ലീഗ്‌ എന്നിവ നേടിയ ശേഷമാണ് ബാഴ്സയിൽ എത്തിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement