ഈ സീസണിൽ ആഫ്രിക്കൻ നാഷൺസ് കപ്പ് ആരംഭിച്ച് നാലു ദിവസം കഴിഞ്ഞപ്പോൾ ഇത് ആഫ്രിക്കൻ നാഷൺസ് കപ്പ് ചരിത്രത്തിൽ തന്നെ ഏറ്റവും കുറഞ്ഞ ഗോളുകൾ പിറക്കുന്ന ടൂർണമെന്റായി മുന്നേറുകയാണ്. ഗ്രൂപ്പ് ഘട്ടത്ത ഇതുവരെ 12 മത്സരങ്ങൾ കഴിഞ്ഞപ്പോൾ ഈ മത്സരങ്ങളിൽ 9 എണ്ണത്തിനും ഒരേ സ്കോർ ലൈൻ. 1-0 ർന്ന സ്കോർ. ടൂർണമെന്റിന്റെ ആദ്യ മത്സരത്തിൽ കാമറൂൺ 2-1ന് ബുക്രിന ഫസോയെ തോല്പ്പിച്ച മത്സരമാണ് ഏറ്റവും കൂടുതൽ ഗോളുകൾ പിറന്ന മത്സരം.
12 മത്സരങ്ങൾ കഴിഞ്ഞപ്പോൾ 9 മത്സരങ്ങൾ 1-0 ആയപ്പോൾ രണ്ട് മത്സരങ്ങൾ ഗോൾ രഹിതമായും അവസാനിച്ചു. ആകെ പിറന്നത് 12 ഗോളുകൾ. ഇന്നലെ നടന്ന മൂന്ന് മത്സരങ്ങളും 1-0 സ്കോർ ലൈനിൽ ആണ് അവസാനിച്ചത്. ഇന്നലെ മാലി 1-0 എന്ന സ്കോറിന് ടുണീഷ്യയെയും, ഗാംബിയ ഇതേ സ്കോറി മൗറീത്വാനയെയും , ഐവറികോസ് ഇക്വിറ്റോറിയൽ ഗിനിയയെയും തോൽപ്പിച്ചു. വരും ദിവസങ്ങളിൽ എങ്കിലും കൂടുതൽ ഗോളുകൾ പിറക്കും എന്ന പ്രതീക്ഷയിലാണ് ആഫ്രിക്കൻ ഫുട്ബോൾ പ്രേമികൾ.
