രഞ്ജി ട്രോഫിയ്ക്കായുള്ള ഡൽഹി ടീമിൽ ഇന്ത്യയുടെ ലോകകപ്പ് ജയിച്ച അണ്ടര്‍ 19 നായകന്‍ യഷ് ധുല്ലും. അതേ സമയം ഇഷാന്ത് ശര്‍മ്മ ഇത്തവണ രഞ്ജി ട്രോഫി കളിക്കുന്നില്ലെന്നും ഡിഡിസിഎ പ്രസിഡന്റ് രോഹന്‍ ജയ്‍റ്റ്ലി പറഞ്ഞു. ഇഷാന്ത് തന്റെ തീരുമാനം അസോസ്സിയേഷന്‍ അംഗങ്ങളെ അറിയിച്ചുവെന്നും തന്നെ സെലക്ഷന് പരിഗണിക്കേണ്ടെന്നും അദ്ദേഹം വ്യക്തമാക്കിയെന്നുമാണ് അറിയുന്നത്.
യഷ് ധുൽ അധികം റെഡ് ബോള്‍ ക്രിക്കറ്റ് കളിച്ചിട്ടില്ലെങ്കിലും താരത്തിന്റെ ആത്മവിശ്വാസം വളരെ ഉയര്‍ന്നതായിരിക്കുമെന്നും. താരത്തിന് ഫസ്റ്റ് ക്ലാസ്സ് ക്രിക്കറ്റുമായി പരിചയപ്പെടുവാനുള്ള അവസരം നല്‍കുവാനാണ് തങ്ങള്‍ ശ്രമിക്കുന്നതെന്നും സെലക്ടര്‍മാരിൽ ഒരാള്‍ വ്യക്തമാക്കി.
പ്രദീപ് സംഗ്വാന്‍ ആണ് ടീമിന്റെ ക്യാപ്റ്റന്‍.
ഡല്‍ഹി സ്ക്വാഡ് : Pradeep Sangwan, Nitish Rana, Dhruv Shorey, Priyansh Arya, Yash Dhull, Khsitij Sharma, Jonty Sidhu, Himmat Singh, Lalit Yadav, Anuj Rawat Wk, Lakshay Thareja wk, Navdeep Saini, Simarjit Singh, Mayank Yadav, Kuldeep Yadav, Vikas Mishra, Shivang Vashist, Shivam Sharma.
റിസര്‍വ്വുകള്‍: Dev Lakra, Hrithik Shokeen
