അഞ്ചാം സീഡ് ഗ്രീക്ക് താരം സ്റ്റെഫനോസ് സിറ്റിപാസിനെ അട്ടിമറിച്ചു സീഡ് ചെയ്യാത്ത 27 കാരനായ അമേരിക്കൻ താരം ക്രിസ്റ്റഫർ ഉബാങ്ക്സ്. 5 സെറ്റ് പോരാട്ടത്തിൽ ആണ് തന്റെ കരിയറിലെ ഏറ്റവും വലിയ ജയം കുറിച്ച അമേരിക്കൻ താരം വിംബിൾഡൺ ക്വാർട്ടർ ഫൈനലിലേക്ക് മുന്നേറിയത്. മത്സരത്തിൽ ആദ്യ സെറ്റ് 6-4 നു സിറ്റിപാസ് നേടിയപ്പോൾ ടൈബ്രേക്കറിലൂടെ നേടിയ ഉബാങ്ക്സ് മത്സരത്തിൽ ഒപ്പമെത്തി. എന്നാൽ മൂന്നാം സെറ്റ് 6-3 നു നേടിയ സിറ്റിപാസ് മത്സരത്തിൽ ആധിപത്യം തിരിച്ചു പിടിച്ചു. എന്നാൽ നാലും അഞ്ചും സെറ്റുകൾ 6-4, 6-4 എന്ന സ്കോറിന് നേടിയ അമേരിക്കൻ താരം മത്സരം സ്വന്തം പേരിൽ കുറിച്ചു.
അവസാന രണ്ടു സെറ്റുകളിൽ നിർണായക ബ്രേക്ക് കണ്ടത്താൻ അമേരിക്കൻ താരത്തിന് ആയി. കരിയറിലെ ആദ്യ ഗ്രാന്റ് സ്ലാം ഫൈനൽ ആണ് ക്രിസ്റ്റഫർ ഉബാങ്ക്സിന് ഇത്. വിംബിൾഡൺ ക്വാർട്ടർ ഫൈനലിൽ എത്തുന്ന മൂന്നാമത്തെ മാത്രം കറുത്ത വർഗ്ഗക്കാരൻ ആയ അമേരിക്കൻ താരം ആയി ക്രിസ്റ്റഫർ ഉബാങ്ക്സ് മാറി. കരിയറിൽ ആദ്യമായി ആണ് താരം ആദ്യ 5 റാങ്കിൽ ഉള്ള താരത്തെ തോല്പിക്കുന്നത്. ക്വാർട്ടർ ഫൈനലിൽ മൂന്നാം സീഡ് റഷ്യൻ താരം ഡാനിൽ മെദ്വദേവ് ആണ് അമേരിക്കൻ താരത്തിന്റെ എതിരാളി. ചെക് താരം ജിറിയെ മറികടന്നു ആണ് മെദ്വദേവ് ക്വാർട്ടറിൽ എത്തിയത്. 6-4, 6-2 എന്ന സ്കോറിന് മുന്നിട്ട് നിൽക്കുമ്പോൾ പരിക്കേറ്റ എതിരാളി മത്സരത്തിൽ നിന്നു പിന്മാറുക ആയിരുന്നു.
