ഇംഗ്ലണ്ടിന് ആയി അമ്പതാം ഗോൾ നേടി ഹാരി കെയിൻ, ജർമ്മനിയോട് സമനില കണ്ടത്തി ഇംഗ്ലണ്ട്

Screenshot 20220608 024217

യുഫേഫ നേഷൻസ് ലീഗിൽ ജർമ്മനിയെ സമനിലയിൽ പിടിച്ചു ഇംഗ്ലണ്ട്. കഴിഞ്ഞ മത്സരത്തിൽ ഹംഗറിയോട് തോൽവി വഴങ്ങിയ ഇംഗ്ലണ്ട് 1-1 നു ആണ് ജർമ്മനിയോട് സമനില നേടിയത്. മത്സരത്തിൽ കൂടുതൽ നേരം പന്ത് കൈവശം വച്ചത് ജർമ്മനി ആയിരുന്നു എങ്കിലും കൂടുതൽ ഷോട്ടുകൾ ഉതിർത്തത് ഇംഗ്ലണ്ട് ആയിരുന്നു. മത്സരത്തിൽ ഇംഗ്ലണ്ടിന്റെ പല ശ്രമങ്ങളും മികച്ച ബ്ലോക്കുകളിലൂടെയും സേവുകളിലൂടെയും ജർമ്മൻ പ്രതിരോധം പ്രതിരോധിച്ചു. രണ്ടാം പകുതിയിൽ 50 മത്തെ മിനിറ്റിൽ ജോഷുവ കിമ്മിഷിന്റെ മികച്ച പാസിൽ നിന്നു മനോഹരമായ ഷോട്ടിലൂടെ യൊനാസ് ഹോഫ്മാൻ ആണ് ജർമ്മനിക്ക് മുൻതൂക്കം സമ്മാനിച്ചത്.

Screenshot 20220608 025047

തുടർച്ചയായ രണ്ടാം മത്സരത്തിൽ പരാജയം ഏറ്റുവാങ്ങും എന്നു തോന്നിച്ച ഇംഗ്ലണ്ടിന്റെ രക്ഷക്ക് പക്ഷെ വാർ എത്തി. ഹാരി കെയിനിനെ സ്കോലറ്റർബക് വീഴ്ത്തിയതിനു വാർ പരിശോധനക്ക് ശേഷം റഫറി പെനാൽട്ടി അനുവദിക്കുക ആയിരുന്നു. തുടർന്ന് പെനാൽട്ടി അനായാസം കെയിൻ ലക്ഷ്യത്തിൽ എത്തിച്ചു. ഇതോടെ സർ ബോബി ചാൾട്ടനെ ഗോൾ വേട്ടയിൽ ഹാരി കെയിൻ മറികടന്നു. ഇംഗ്ലണ്ടിന് ആയി 50 ഗോളുകൾ തികച്ച കെയിൻ വെയിൻ റൂണിക്ക് ശേഷം ഈ നേട്ടം കൈവരിക്കുന്ന രണ്ടാമത്തെ താരം ആണ്. 53 ഗോളുകൾ ഇംഗ്ലണ്ടിന് ആയി നേടിയ റൂണി മാത്രം ആണ് രാജ്യത്തിനു ആയുള്ള ഗോൾ വേട്ടയിൽ കെയിനിന് മുന്നിൽ ഉള്ളത്.

Previous articleതുടർച്ചയായ രണ്ടാം മത്സരത്തിലും ഗോളുമായി പെല്ലഗ്രിനി, ഹംഗറിക്ക് എതിരെ ജയവുമായി ഇറ്റലി
Next articleന്യൂകാസിൽ യുണൈറ്റഡ് മിഡ്ഫീൽഡർ ഐസക്ക് ഹെയ്ഡൻ നോർവിച് സിറ്റിയിൽ