ഹരികൃഷ്ണന്‍ എം തിരുവനന്തപുരം ജില്ല ടേബിള്‍ ടെന്നീസ് ചാമ്പ്യന്‍

21-09-2019ന് നടന്ന തിരുവനന്തപുരം ജില്ല ടേബിള്‍ ടെന്നീസ് ചാമ്പ്യന്‍ഷിപ്പില്‍ ഹരികൃഷ്ണന്‍ എം വിജയിയായി. വാശിയേറിയ ഫൈനല്‍ മത്സരത്തില്‍ ഉണ്ണികൃഷ്ണന്‍ കീഴടക്കിയാണ് ഹരികൃഷ്ണന്‍ ചാമ്പ്യനായി മാറിയത്. തിരുവനന്തപുരത്തെ കവടിയാറിലുള്ള ജിഎസ്കെ പിംഗ് പോംഗ് സെന്ററില്‍ വെച്ച് ടേബിള്‍ ടെന്നീസിന്റെ ജില്ലാ(തിരുവനന്തപുരം) അഡ്ഹോക്ക് കമ്മിറ്റിയുടെ നേതൃത്വത്തിലാണ് ജില്ലാ ടേബിള്‍ ടെന്നീസ് ചാമ്പ്യന്‍ഷിപ്പ് സംഘടിപ്പിച്ചത്.

തുടര്‍ന്ന് നടന്ന സമ്മാനദാന ചടങ്ങില്‍ ശ്രീ. രമേശ് വി നായര്‍, മുന്‍ സംസ്ഥാന താരം പത്മകുമാര്‍, സ്പോര്‍ട്സ് കൗണ്‍സില്‍ പ്രതിനിധി ശ്രീ. സുഭാഷ് തുടങ്ങിയവര്‍ സന്നിഹിതരായിരുന്നു. സ്പോര്‍ട്സ് കൗണ്‍സില്‍ പ്രതിനിധി ശ്രീ. സുഭാഷാണ് സമ്മാനദാന ചടങ്ങുകള്‍ നിര്‍വ്വഹിച്ചത്.