ബിഗ് ബാഷിൽ ഇന്നത്തെ മത്സരത്തിൽ നാണംകെട്ട ബാറ്റിംഗ് പ്രകടനവുമായി സിഡ്നി തണ്ടര്‍. ആദ്യം ബാറ്റ് ചെയ്ത അഡിലെയ്ഡ് സ്ട്രൈക്കേഴ്സിനെ 139/9 എന്ന സ്കോറിന് ഒതുക്കിയെങ്കിലും വെറും 15 റൺസ് മാത്രമാണ് സിഡ്നി തണ്ടര്‍ നേടിയത്. 5.5 ഓവര്‍ മാത്രമാണ് ടീം ബാറ്റിംഗ് പിടിച്ച് നിന്നത്.
5 താരങ്ങള്‍ പൂജ്യത്തിന് പുറത്തായപ്പോള്‍ അഡിലെയ്ഡിനായി ഹെന്‍റി തോര്‍ട്ടൺ അഞ്ചും വെസ് അഗര്‍ നാലും വിക്കറ്റ് നേടി. ആദ്യം ബാറ്റ് ചെയ്ത അഡിലെയ്ഡിനായി ക്രിസ് ലിന്‍(36), കോളിന്‍ ഡി ഗ്രാന്‍ഡോം(33) എന്നിവരാണ് റൺസ് കണ്ടെത്തിയത്.
