വനിത ബിഗ് ബാഷിൽ മെല്‍ബേൺ റെനഗേഡ്സിന് പുതിയ ക്യാപ്റ്റന്‍. സോഫി മോളിനക്സിനെയാണ് ടീം ക്യാപ്റ്റന്‍സി ദൗത്യം ഏല്പിച്ചിരിക്കുന്നത്. ന്യൂസിലാണ്ടിന്റെ ആമി സാത്തെര്‍ത്ത്‍വൈറ്റിൽ നിന്നാണ് സോഫി ക്യാപ്റ്റന്‍സി ദൗത്യം ഏറ്റെടുക്കുന്നത്.
2020-21 സീസണിൽ ഏഴാം സ്ഥാനത്താണ് ടീം ഫിനിഷ് ചെയ്തത്. കോച്ചായി സൈമൺ ഹെല്‍മോട്ടിനെയും നിയമിക്കുവാന്‍ ഫ്രാഞ്ചൈസി തീരുമാനിച്ചിരുന്നു. ലാച്ചാലൻ സ്റ്റീവന്‍സിന് പകരക്കാരനായാണ് സൈമൺ കോച്ചായി എത്തുന്നത്.
കഴിഞ്ഞ സീസണിൽ മോളിനക്സ് ടീമിന് വേണ്ടി 221 റൺസും 11 വിക്കറ്റും നേടിയിരുന്നു. ടീമിന്റെ ക്യാപ്റ്റനായി നിയമിക്കപ്പെട്ടത് വലിയ ബഹുമതിയാണെന്നും താരം വെളിപ്പെടുത്തി. ഓസ്ട്രേലിയയ്ക്കായി 24 അന്താരാഷ്ട്ര ടി20കളിലും 6 ഏകദിനങ്ങളിലും 1 ടെസ്റ്റിലും കളിച്ചിട്ടുള്ള താരമാണ് മോളിനക്സ്.
