ഏറ്റവും പുതിയ ടി20 റാങ്കിംഗിൽ മൂന്നാം സ്ഥാനത്തേക്കുയര്‍ന്ന് സൂര്യകുമാര്‍ യാദവ്. ഒന്നാം സ്ഥാനത്ത് 825 റേറ്റിംഗ് പോയിന്റുമായി പാക്കിസ്ഥാന്റെ മൊഹമ്മദ് റിസ്വാന്‍ ആണ്. രണ്ടാം സ്ഥാനത്ത് 792 പോയിന്റുമായി ദക്ഷിണാഫ്രിക്കന്‍ താരം എയ്ഡന്‍ മാര്‍ക്രം നിലകൊള്ളുന്നു.
780 റേറ്റിംഗ് പോയിന്റാണ് മൂന്നാം സ്ഥാനത്തുള്ള സൂര്യകുമാര്‍ യാദവിനുള്ളത്. നാലാം സ്ഥാനത്ത് 771 പോയിന്റുമായി ബാബര്‍ അസവും 725 പോയിന്റുമായി ഇംഗ്ലണ്ടിന്റെ ദാവിദ് മലന്‍ അഞ്ചാം സ്ഥാനത്തും നിലകൊള്ളുന്നു.
ആരോൺ ഫിഞ്ച്, ഡെവൺ കോൺവേ, പതും നിസ്സങ്ക, മുഹമ്മദ് വസീം(യുഎഇ), റീസ ഹെന്‍ഡ്രിക്സ് എന്നിവരാണ് റാങ്കിംഗിൽ ആറ് മുതൽ പത്ത് സ്ഥാനത്തുള്ളത്.
