ദി ഹണ്ട്രെഡിന് പിന്നാലെ ഷഫാലിയെ തേടി ബിഗ് ബാഷും, സിഡ്നി സിക്സേഴ്സിന് വേണ്ടി കളിക്കും

ഈ വരുന്ന വനിത ബിഗ് ബാഷില്‍ ഷഫാലി വര്‍മ്മ സിഡ്നി സിക്സേഴ്സിന് വേണ്ടി കളിക്കും. കഴിഞ്ഞ ദിവസം ദി ഹണ്ട്രെഡില്‍ താരം ബിര്‍മ്മിംഗാം ഫീനിക്സിന് വേണ്ടി കളിക്കുമെന്ന വാര്‍ത്ത പുറത്ത് വന്നിരുന്നു. ടി20 ക്രിക്കറ്റില്‍ കഴിഞ്ഞ കുറച്ച് കാലമായുള്ള താരത്തിന്റെ പ്രകടനം ആണ് താരത്തിന് ക്രിക്കറ്റിന്റെ ചെറിയ ഫോര്‍മാറ്റില്‍ ഏറെ ആവശ്യക്കാരുണ്ടാക്കിയത്.

നേരത്തെ താരം സിഡ്നിയിലെ ഒരു ഫ്രാഞ്ചസിയുമായി ചര്‍ച്ചയിലാണെന്ന വാര്‍ത്ത പുറത്ത് വന്നിരുന്നുവെങ്കിലും തണ്ടറാണോ സിക്സേഴ്സ് ആണോ എന്നതില്‍ അവ്യക്തതയുണ്ടായിരുന്നു. ഇപ്പോള്‍ ഫ്രാഞ്ചൈസിയേതെന്ന കാര്യത്തിലും വ്യക്തത വരികയായിരുന്നു.

സിഡ്നി സിക്സേഴ്സിന്റെ കോച്ച് ആണ് ദി ഹണ്ട്രെഡില്‍ ബിര്‍മ്മിംഗാം ഷീനിക്സിന്റെയും കോച്ചെന്നതും താരത്തിനെ ടീമിലേക്ക് എത്തിക്കുവാന്‍ സഹായിച്ചിട്ടുണ്ടെന്ന് വേണം മനസ്സിലാക്കുവാന്‍.

Previous articleസ്കോട്‍ലണ്ടിനെതിരെയുള്ള ടി20 പരമ്പരയ്ക്കുള്ള അയര്‍ലണ്ട് ടീമിനെ പ്രഖ്യാപിച്ചു
Next articleചെൽസിയുടെ പുതിയ ഹോം ജേഴ്സി എത്തി