സൂപ്പര്‍ 12ൽ ടീമിന് അട്ടിമറികള്‍ നടത്തുവാന്‍ സാധിക്കും – മാര്‍ക്ക് വാട്ട്

Scotland

ടി20 ലോകകപ്പിൽ സൂപ്പര്‍ 12ലേക്ക് ഗ്രൂപ്പ് ബിയിൽ നിന്ന് എല്ലാ മത്സരങ്ങളും വിജയിച്ച് എത്തിയ സ്കോട്‍ലാന്‍ഡിന് ഒന്നോ രണ്ടോ അട്ടിമറികള്‍ കൂടി നടത്തുവാന്‍ സാധിക്കുമെന്ന് പറഞ്ഞ് മാര്‍ക്ക് വാട്ട്.

അസോസ്സിയേറ്റ് ക്രിക്കറ്റിൽ എല്ലാ മത്സരങ്ങളും വിജയിക്കേണ്ട സാഹചര്യമാണെന്നും അതിനാൽ തന്നെ ഇത്തരം സമ്മര്‍ദ്ദ മത്സരങ്ങള്‍ കളിച്ച് ടീമിന് ശീലമാണെന്നും മാര്‍ക്ക് വാട്ട് വ്യക്തമാക്കി.

അതിനാൽ തന്നെ സൂപ്പര്‍ 12ൽ ഏതാനും ടീമുകളെ അട്ടിമറിക്കുവാന്‍ സ്കോട്‍ലാന്‍ഡിന് കഴിയുമെന്ന ഉറച്ച വിശ്വാസം ടീമിനുണ്ടെന്നും വാട്ട് പറഞ്ഞു.

ഇന്ത്യ, പാക്കിസ്ഥാന്‍, ന്യൂസിലാണ്ട്, അഫ്ഗാനിസ്ഥാന്‍ എന്നിവര്‍ക്കൊപ്പം യോഗ്യത റൗണ്ടിൽ ഗ്രൂപ്പ് എയിലെ രണ്ടാം സ്ഥാനക്കാരും രണ്ടാം ഗ്രൂപ്പിൽ സ്കോട്ട്‍ലാന്‍‍ഡിന് എതിരാളികളായി ഉള്ളത്.

ഏകദിന ലോകകപ്പ് ജേതാക്കളായ ഇംഗ്ലണ്ടിനെ ടീം മുമ്പ് തോല്പിച്ചിട്ടുണ്ടെന്നും ബംഗ്ലാദേശിനെ ഈ ടൂര്‍ണ്ണമെന്റിൽ പരാജയപ്പെടുത്തിയതിനാൽ തന്നെ ഇനിയും അട്ടിമറികള്‍ ടീമിൽ നിന്ന് പ്രതീക്ഷിക്കാമെന്നും ഒരു ടീമും തങ്ങളെ ചെറുതാക്കി കാണില്ലെന്നും മാര്‍ക്ക് വാട്ട് വ്യക്തമാക്കി.

Previous article“ബൗൾ ചെയ്യില്ല എങ്കിൽ ഹാർദിക് പാണ്ഡ്യ ടീമിൽ വേണ്ട” – ഗംഭീർ
Next articleഐ പി എൽ ടീമിനായി രൺവീറും ദീപികയും