ലോക ആറാം റാങ്കുകാരെ അട്ടിമറിച്ച് ഇന്ത്യന്‍ കൂട്ടുകെട്ട് ഫ്രഞ്ച് ഓപ്പണ്‍ ബാഡ്മിന്റണ്‍ ഫൈനലിലേക്ക്

- Advertisement -

ഫ്രഞ്ച് ഓപ്പണ്‍ ബാഡ്മിന്റണ്‍ 2019ന്റെ ഫൈനലില്‍ കടന്ന് ഇന്ത്യയുടെ സാത്വിക്സായിരാജ്-ചിരാഗ് ഷെട്ടി കൂട്ടുകെട്ട്. സെമി ഫൈനലില്‍ ജപ്പാന്റെ ലോക റാങ്കിംഗിലെ ആറാം സ്ഥാനക്കാരായ വാട്നാബേ-ഹിരോയൂക്കി കൂട്ടുകെട്ടിനെ നേരിട്ടുള്ള ഗെയിമിലാണ് ഇരുവരും പരാജയപ്പെടുത്തിയത്. ആദ്യ ഗെയിം അനായാസം വിജയിച്ചപ്പോള്‍ കടുത്ത പോരാട്ടത്തെ മറികടന്നാണ് ഇന്ത്യന്‍ കൂട്ടുകെട്ടിന്റെ രണ്ടാം ഗെയിമിലെ വിജയം.

50 മിനുട്ട് നീണ്ട പോരാട്ടത്തിന് ശേഷം 21-11, 25-23 എന്ന സ്കോറിനായിരുന്നു ഇന്ത്യന്‍ താരങ്ങളുടെ വിജയം.

Advertisement