ലോക റാങ്കിംഗിൽ 18ാം റാങ്കുകാരായ കൊറിയന്‍ ജോഡിയെ പരാജയപ്പെടുത്തി ഫ്രഞ്ച് ഓപ്പൺ പുരുഷ വിഭാഗം ഡബിള്‍സ് ഫൈനലില്‍ പ്രവേശിച്ച് ഇന്ത്യയുടെ സാത്വിക്സായിരാജ് ചിരാഗ് ഷെട്ടി കൂട്ടുകെട്ട്. ഇരുവരും ഇന്ന് സെമി ഫൈനലില്‍ നേരിട്ടുള്ള ഗെയിമിൽ 21-18, 21-14 എന്ന സ്കോറിനാണ് വിജയം കൈവരിച്ചത്.
ഇന്നലെ ഇവര്‍ ലോക റാങ്കിംഗിൽ ഒന്നാം സ്ഥാനക്കാരായ ജപ്പാന്‍ ജോഡികളെ പരാജയപ്പെടുത്തിയാണ് സെമിയിലെത്തിയത്. ഇരുവരും ബിഡബ്ല്യുഎഫ് ലോക ടൂര്‍ നിലവാരത്തിലുള്ള ടൂര്‍ണ്ണമെന്റിന്റെ ഫൈനലില്‍ അഞ്ചാം തവണയാണ് എത്തുന്നത്.
