ഓള്‍ ഇന്ത്യ ഫൈനൽ ഇല്ല, സെമിയിൽ സത്യന് പരാജയം

കോമൺവെൽത്ത് ഗെയിംസ് പുരുഷ ടേബിള്‍ ടെന്നീസിൽ ഇന്ത്യയുടെ സത്യന്‍ ജ്ഞാനശേഖരന് പരാജയം. ഇംഗ്ലണ്ടിന്റെ രണ്ടാം സീഡ് താരം ലിയാം പിച്ച്ഫോര്‍ഡിനോട് 1-4 എന്ന സ്കോറിനാണ് ഇന്ത്യന്‍ താരം പരാജയപ്പെട്ടത്.

അഞ്ചാം ഗെയിമിൽ സത്യന്‍ 3-9ന് പിന്നിൽ നിന്ന് ശേഷം 9-9ൽ ഒപ്പമെത്തിയെങ്കിലും പിന്നീടുള്ള രണ്ട് പോയിന്റുകള്‍ നേടി ലിയാം ഫൈനലിലെ സ്ഥാനം ഉറപ്പാക്കി. സ്കോര്‍: 5-11, 11-4, 8-11, 9-11, 9-11.

പരാജയം കാരണം ഫൈനലില്‍ ഇന്ത്യന്‍ താരങ്ങളുടെ പോരാട്ടത്തിനുള്ള സാധ്യത ഇല്ലാതായി. നേരത്തെ ഇംഗ്ലണ്ട് താരം പോള്‍ ഡ്രിംഗ്ഹാളിനെ പരാജയപ്പെടുത്തി ശരത് കമാൽ ഫൈനലില്‍ കടന്നിരുന്നു.