വെറും അഞ്ച് താരങ്ങളുമായി ഈ ഒളിമ്പിക്സിനെത്തിയ സാന്‍ മരീനോയ്ക്ക് ഗുസ്തിയിൽ വെങ്കല മെഡൽ. സെക്കന്‍ഡുകള്‍ അവശേഷിക്കെ 2-1ന് ലീഡിലായിരുന്ന ഇന്ത്യയുടെ ദീപക് പൂനിയ വളരെ അധികം ഡിഫന്‍സിലേക്ക് പോയപ്പോള്‍ മത്സരം സാന്‍ മരീനോ താരം മാറ്റി മറിയ്ക്കുന്ന കാഴ്ചയാണ് കണ്ടത്. 2-4 എന്ന സ്കോറിനാണ് ഇന്ത്യന്‍ താരം പിന്നിൽ പോയത്.
മത്സരം അവസാനിക്കുവാന്‍ എട്ട് സെക്കന്‍ഡ് ബാക്കി നില്‍ക്കുമ്പോളാണ് ദീപക് പൂനിയയ്ക്ക് തന്റെ കൈയ്യിൽ നിന്ന് ഒളിമ്പിക്സ് വെങ്കല മെഡൽ കൈമോശം വരുന്നത് കാണേണ്ടി വന്നത്.
സാന്‍ മരീനോയുടെ മൈല്‍സ് അമിനനിനോടാണ് ഇന്ന് ദീപക് 86 കിലോ വിഭാഗത്തിൽ മത്സരിക്കാനിറങ്ങിയത്. വെറും അഞ്ച് താരങ്ങളുമായി ഒളിമ്പിക്സിനെത്തിയ രാജ്യമാണ് സാന്‍ മരീനോ. ആദ്യ പിരീഡ് കഴിയുമ്പോള്‍ 2-1ന്റെ ലീഡാണ് ഇന്ത്യന്‍ താരത്തിന് ഉണ്ടായിരുന്നത്.
ഒളിമ്പിക്സിൽ ഇത് സാന്‍ മരീനോയുടെ മൂന്നാമത്തെ മെഡലാണ്.
