ഏഷ്യന്‍ ഗെയിംസ് വനിത സിംഗിള്‍സ് സെമിയില്‍ കടന്ന് സൈന നെഹ്‍‍വാല്‍. ഇന്തോനേഷ്യയുടെ ലോക നാലാം നമ്പര്‍ താരം റാച്ചനോക് ഇന്റാനോണിനെ നേരിട്ടുള്ള ഗെയിമുകളില്‍ പരാജയപ്പെടുത്തിയാണ് സൈന തന്റെ സെമി സ്ഥാനം ഉറപ്പിച്ചത്. സ്കോര്‍ 21-19, 21-16. സെമിയില്‍ എത്തിയതോടെ സൈനയ്ക്ക് മെഡല്‍ ഉറപ്പായിട്ടുണ്ട്.
ആദ്യ ഗെയിമില്‍ 3-12നു പിന്നില്‍ നിന്ന ശേഷമാണ് സൈന ഗെയിം സ്വന്തമാക്കിയത്. ആദ്യ ഗെയിമിന്റെ ഇടവേള സമയത്ത് 11-3 എന്ന സ്കോറിനു ഇന്തോനേഷ്യ താരമായിരുന്നു മിന്നില്‍ പിന്നീട് 17-11 എന്ന ലീഡ് കരസ്ഥമാക്കിയെങ്കിലും സൈന 17-17നു ഒപ്പം പിടിച്ചു. അടുത്ത പോയിന്റ് റാച്ചനോക് നേടിയെങ്കിലും തുടരെ 4 പോയിന്റുകള്‍ സ്വന്തമാക്കി ആദ്യ ഗെയിം സൈന 21-18നു പോക്കറ്റിലാക്കി.
രണ്ടാം ഗെയിമില്‍ സൈന 7-4ന്റെ ലീഡ് നേടിയെങ്കിലും ലീഡ് കുറച്ച് ഇടവേള സമയത്ത് അത് രണ്ടാക്കി കുറയ്ക്കുവാന്‍ റാച്ചനോകിനു സാധിച്ചു. രണ്ടാം ഗെയിമിന്റെ ഇടവേള സമയത്ത് സൈന 11-9നു ലീഡ് കൈവശപ്പെടുത്തിയിരുന്നു.ഇടവേളയ്ക്ക് ശേഷം കൂടുതല്‍ മികവോട് കളത്തിലെത്തിയ സൈന 16-11ന്റെ ലീഡ് നേടി.
