മലയാളി താരം റിനോ ആന്റോ ഇനി ഐലീഗിൽ കളിക്കും. ഐ ലീഗ് ക്ലബായ റൗണ്ട് ഗ്ലാാ പഞ്ചാബ് എഫ് സിയാണ് റിനോ ആന്റോയെ സൈൻ ചെയ്തിരിക്കുന്നത്. താരം പഞ്ചാബിൽ ഒരു വർഷത്തെ കരാർ ഒപ്പുവെച്ചു. കഴിഞ്ഞ സീസണിൽ ഈസ്റ്റ് ബംഗാളിന്റെ ഭാഗമായിരുന്നു എങ്കിലും ചില അനിശ്ചിതത്വങ്ങൾ കാരണം റിനോ ആന്റോയ്ക്ക് ഈസ്റ്റ് ബംഗാളിൽ കളിക്കാൻ ആയിരുന്നില്ല. അതിനു മുമ്പുള്ള രണ്ടു സീസണിൽ റിനോ ബെംഗളൂരു എഫ് സിക്ക് വേണ്ടിയാണ് കളിച്ചത്.
മുമ്പ് കേരള ബ്ലാസ്റ്റേഴ്സിനായി മികച്ച പ്രകടനം കാഴ്ചവെച്ച ചരിത്രമുള്ള താരമാണ് റിനോ ആന്റോ. രണ്ട് ഘട്ടത്തിലായി ബെംഗളൂരു എഫ് സിക്ക് വേണ്ടി ആറ് സീസണുകളിൽ കളിച്ചിട്ടുള്ള റിനോ ആന്റോ അവർക്ക് ഒപ്പം അഞ്ചു കിരീടങ്ങൾ നേടിയിട്ടുണ്ട്. 2010-11 സീസണിൽ സാൽഗോക്കറിനൊപ്പം ഐ ലീഗും ഫെഡറേഷൻ കപ്പും, 2008-09 സീസണിൽ മോഹൻ ബഗാനൊപ്പം ഫെഡറേഷൻ കപ്പും റിനോ നേടിയിട്ടുണ്ട്
