ഇന്ത്യയുടെ ഏറ്റവും പുതിയ അത്‍ലറ്റിക്സ് താരോദയമായ ഹിമ ദാസിനെ അനുമോദിച്ച് ജന്മ നാട്. താരത്തെ ആസമിന്റെ സ്പോര്‍ട്സ് അംബാസിഡറായി പ്രഖ്യാപിച്ച ആസം മുഖ്യ മന്ത്രി സര്‍ബാനന്ദ സോനോവാല്‍ 50 ലക്ഷത്തിന്റെ പാരിതോഷികവും പ്രഖ്യാപിച്ചിരുന്നു. കഴിഞ്ഞ ദിവസം ഐഎഎഎഫ് ലോക അണ്ടര്‍-20 അത്‍ലറ്റിക്സ് ചാമ്പ്യന്‍ഷിപ്പിലെ 400 മീറ്റര്‍ ഫൈനലില്‍ സ്വര്‍ണ്ണം നേടി ഹിമ ചരിത്രം സൃഷ്ടിച്ചിരുന്നു. ഇന്ത്യയ്ക്കായി അന്താരാഷ്ട്ര തലത്തില്‍ ട്രാക്ക് ഇവന്റില്‍ സ്വര്‍ണ്ണം നേടുന്ന ആദ്യ അത്‍ലീറ്റ് എന്ന ബഹുമതി കൂടിയാണ് താരം സ്വന്തമാക്കിയത്.
2020 ടോക്കിയോ ഒളിമ്പിക്സ് വരെ താരത്തിന്റെ തയ്യാറെടുപ്പുകള്‍ മുഴുവന്‍ ഇന്ത്യന്‍ സര്‍ക്കാര്‍ ഏറ്റെടുക്കുമെന്നും പ്രഖ്യാപിച്ചിട്ടുണ്ട്. സര്‍ക്കാരിന്റെ ടാര്‍ഗെറ്റ് ഒളിമ്പിക് പോഡിയം സ്കീം(TOPS) പദ്ധതി പ്രകാരമാണിത്.
കൂടുതൽ കായിക വാർത്തകൾക്ക് : www.facebook.com/FanportOfficial
