ഇംഗ്ലീഷ് പ്രീമിയർ ലീഗിലെ കഴിഞ്ഞ മാസത്തെ മികച്ച താരത്തിനുള്ള പുരസ്കാരം മാഞ്ചസ്റ്റർ യുണൈറ്റഡ് താരം മാർക്കസ് റാഷ്ഫോർഡ് സ്വന്തമാക്കി. ഫെബ്രുവരിയിൽ മാർക്കസ് റാഷ്ഫോർഡ് നാലു മത്സരങ്ങളിൽ നിന്ന് അഞ്ചു ഗോളുകൾ പ്രീമിയർ ലീഗിൽ നേടിയിരുന്നു. മാഞ്ചസ്റ്റർ യുണൈറ്റഡിനെ മൂന്നു വിജയത്തിലേക്ക് നയിക്കാനും റാഷ്ഫോർഡിനായി. ഈ സീസണിൽ ഇത് മൂന്നാം തവണയാണ് റാഷ്ഫോർഡ് ഈ പുരസ്കാരം നേടുന്നത്. സെപ്റ്റംബർ മാസത്തിലും ജനുവരി മാസത്തിലും റാഷ്ഫോർഡ് ഈ പുരസ്കാരം നേടിയിരുന്നു.
മാഞ്ചസ്റ്റർ യുണൈറ്റഡ് പരിശീലകൻ എറിക് ടെൻ ഹാഗ് ഫെബ്രുവരിയിലെ മികച്ച പരിശീലകനായും തിരഞ്ഞെടുക്കപ്പെട്ടു. ടെം ഈ സീസണിൽ ഇത് രണ്ടാം തവണയാണ് ഈ പുരസ്കാരം നേടുന്നത്. നേരത്തെ സെപ്റ്റംബറിലും ടെൻ ഹാഗ് പുരസ്കാരം നേടിയിരുന്നു. ടെൻ ഹാഗ് മാനേജർ ഓഫ് ദി മന്ത് ആയ രണ്ട് മാസവും റാഷ്ഫോർഡ് ആയിരുന്നു പ്രീമിയർ ലീഗിലെ പ്ലയർ ഓഫ് ദി മന്ത്.
