അണ്ടര് 19 ഏഷ്യ കപ്പിന്റെ ഫൈനലില് എത്തി ഇന്ത്യയും ബംഗ്ലാദേശും. ഇന്ന് നടന്ന സെമി മത്സരങ്ങളില് ബംഗ്ലാദേശ് അഫ്ഗാനിസ്ഥാനെയും ഇന്ത്യ ആതിഥേയരായ ശ്രീലങ്കയെയും നേരിട്ടുവെങ്കിലും കനത്ത മഴ മൂലം മത്സരങ്ങള് രണ്ടും ഉപേക്ഷിക്കപ്പെടുകയായിരുന്നു. ഇതോടെ ഗ്രൂപ്പ് ചാമ്പ്യന്മാരായ ഇന്ത്യയും ബംഗ്ലാദേശും ടൂര്ണ്ണമെന്റിന്റെ ഫൈനലിലേക്ക് യോഗ്യത നേടി.
അഫ്ഗാനിസ്ഥാനെ ആവേശകരമായ ഗ്രൂപ്പ് മത്സരത്തില് പരാജയപ്പെടുത്തിയാണ് ഇന്ത്യ ഗ്രൂപ്പ് എയിലെ ഒന്നാം സ്ഥാനക്കാരായത്. അതേ സമയം ശ്രീലങ്കയെ അവസാന മത്സരത്തില് പരാജയപ്പെടുത്തി ബംഗ്ലാദേശ് ഗ്രൂപ്പ് ബി ചാമ്പ്യന്മാരായിരുന്നു.
