പോൾ പോഗ്ബ ഇത്തവണത്തെ ലോകകപ്പിന് ഉണ്ടാകുന്ന കാര്യം സംശയത്തിൽ. ഫ്രഞ്ച് താരത്തിന്റെ പരിക്ക് മാറാനായി ശസ്ത്രക്രിയക്ക് വിധേയനാകാൻ താരം ഇന്ന് തീരുമാനിച്ചു. പരിക്ക് മാറാൻ ശസ്ത്രക്രിയ ഇല്ലാത്ത വഴി പോഗ്ബ ശ്രമിച്ചു നോക്കി എങ്കിലും അത് ഫലം കണ്ടില്ല. തുടർന്നാണ് ക്ലബും താരവും കൂടി ശസ്ത്രക്രിയക്ക് വിധേയനാകാൻ തീരുമാനിച്ചത്‌
ശസ്ത്രക്രിയ കഴിഞ്ഞാൽ താരം രണ്ടര മാസത്തോളം എങ്കിലും പുറത്തിരിക്കേണ്ടി വരും. അതുകൊണ്ട് പോഗ്ബയ്ക്ക് ലോകകപ്പ് അടക്കം നഷ്ടമാകും എന്നാണ് റിപ്പോർട്ടുകൾ വരുന്നത്. ഖത്തറിൽ നടക്കുന്ന ലോകകപ്പിൽ ഫ്രാൻസ് ഇറങ്ങുമ്പോൾ പോഗ്ബ മധ്യനിരയിൽ ഇല്ലാ എങ്കിൽ ചാമ്പ്യന്മാർക്ക് വലിയ തിരിച്ചടിയാകും.
മുട്ടിൽ മെനിസ്കസിലാണ് പോഗ്ബക്ക് പരിക്ക്. യുവന്റസിന്റെ പ്രീസീസൺ പരിശീലനത്തിന് ഇടയിൽ ആയിരുന്നു പോഗ്ബക്ക് പരിക്കേറ്റത്‌. ഈ സമ്മർ ട്രാൻസ്ഫറിൽ ആയിരുന്നു പോഗ്ബ മാഞ്ചസ്റ്റർ യുണൈറ്റഡ് വിട്ട് ഫ്രീ ട്രാൻസ്ഫറിൽ യുവന്റസിലേക്ക് മടങ്ങി എത്തിയത്‌. കഴിഞ്ഞ സീസണിലും പോഗ്ബയെ പരിക്ക് അലട്ടിയിരുന്നു. മാഞ്ചസ്റ്റർ യുണൈറ്റഡിനായി കഴിഞ്ഞ സീസണിൽ വളരെ കുറച്ചു മത്സരങ്ങൾ മാത്രമേ പോഗ്ബ കളിച്ചിരുന്നുള്ളൂ.
