കോമൺവെൽത്ത് ഗെയിംസിലെ ഗ്രൂപ്പ് എയിലെ തങ്ങളുടെ രണ്ടാം മത്സരത്തിൽ പാക്കിസ്ഥാനെ 99 റൺസിലൊതുക്കി ഇന്ത്യ. ടോസ് നേടി പാക്കിസ്ഥാന് ബാറ്റിംഗ് തിരഞ്ഞെടുത്തപ്പോള്‍ മഴ കാരണം 18 ഓവറായി മത്സരം ചുരുക്കുകയായിരുന്നു. 32 റൺസ് നേടിയ മുനീബ അലിയാണ് ടീമിന്റെ ടോപ് സ്കോറര്‍. ഇന്ത്യയ്ക്കായി സ്നേഹ് റാണയും രാധ യാദവും രണ്ട് വിക്കറ്റ് നേടി. ഇന്നിംഗ്സിലെ അവസാന പന്തിലാണ് പാക്കിസ്ഥാന് ഓള്‍ഔട്ട് ആയത്.
ബിസ്മ മാറൂഫ് 17 റൺസ് നേടി പുറത്തായപ്പോള്‍ 18 റൺസ് നേടിയ ആലിയ റിയാസ് ആണ് പാക്കിസ്ഥാന്റെ മറ്റൊരു പ്രധാന സ്കോറര്‍. റണ്ണൗട്ടുകളും പാക്കിസ്ഥാന്റെ സ്കോറിംഗിനെ ബാധിക്കുകയായിരുന്നു. ആലിയ റിയാസ് ഉള്‍പ്പെടെ മൂന്ന് താരങ്ങളാണ് റണ്ണൗട്ട് ആയത്.
