മൊസ്ദേക്ക് ഹൊസൈന്‍ സൈക്കത്തിന്റെ സ്പെല്ലിൽ തകര്‍ന്നടിഞ്ഞ സിംബാബ്‍വേയെ വലിയ നാണക്കേടിൽ നിന്ന് രക്ഷിച്ച് സിക്കന്ദര്‍ റാസയും റയാന്‍ ബര്‍ളും. മൊസ്ദേക്ക് തന്റെ നാലോവറിൽ 20 റൺസ് വിട്ട് നൽകി അഞ്ച് വിക്കറ്റ് നേടിയപ്പോള്‍ സിംബാബ്‍വേ 31/5 എന്ന നിലയിലേക്ക് വീഴുകയായിരുന്നു. അവിടെ നിന്ന് 135/8 എന്ന സ്കോറിലേക്ക് സിംബാബ്‍വേ എത്തുകയായിരുന്നു.
അവിടെ നിന്ന് സിക്കന്ദര്‍ റാസ – റയാന്‍ ബര്‍ള്‍ കൂട്ടുകെട്ടാണ് സിംബാബ്‍വേയെ വലിയ നാണക്കേടിൽ നിന്ന് രക്ഷിച്ച് ടീമിന്റെ സ്കോര്‍ നൂറ് കടത്തിയത്. ആറാം വിക്കറ്റിൽ ഇരുവരും ചേര്‍ന്ന് 80 റൺസാണ് നേടിയത്.
റാസ 62 റൺസും ബര്‍ള്‍ 32 റൺസും നേടി. തുടര്‍ച്ചയായ രണ്ടാം മത്സരത്തിലാണ് റാസ അര്‍ദ്ധ ശതകം തികയ്ക്കുന്നത്.
