ഇംഗ്ലീഷ് പ്രീമിയർ ലീഗിൽ ഷെഫീൽഡ് യുണൈറ്റസിനെ എതിരില്ലാത്ത 8 ഗോളുകൾക്ക് തകർത്തു ന്യൂകാസ്റ്റിൽ യുണൈറ്റഡ്. തങ്ങളുടെ ചരിത്രത്തിലെ ഏറ്റവും വലിയ എവെ വിജയം ആണ് അവർ ഇന്ന് കുറിച്ചത്. 8 വ്യത്യസ്ത താരങ്ങൾ അവർക്ക് ആയി ഗോൾ നേടിയത്. ഇത് പ്രീമിയർ ലീഗ് ചരിത്രത്തിൽ ആദ്യമായി ആണ് ഒരു ടീമിനു ആയി 8 വ്യത്യസ്ത താരങ്ങൾ ഗോളുകൾ നേടുന്നത്. ആദ്യ 35 മിനിറ്റിൽ ലോങ്സ്റ്റാഫ്, ഡാനിയേൽ ബേൺ, ബോട്ട്മാൻ എന്നിവരുടെ ഗോളിൽ അവർ മുന്നിലെത്തി.
രണ്ടാം പകുതിയിൽ കലം വിൽസൺ പകരക്കാരനായി ഇറങ്ങിയ ആന്റണി ഗോർഡൻ, മിഗ്വൽ ആൽമിറോൺ, ബ്രൂണോ, മറ്റൊരു പകരക്കാരൻ അലക്‌സാണ്ടർ ഇസാക് എന്നിവർ ആണ് ന്യൂകാസ്റ്റിൽ നിരയിൽ ഗോളുകൾ നേടിയത്. 3 ഗോളിന് അവസരം ഉണ്ടാക്കിയ ട്രിപ്പിയർ ഹാട്രിക് അസിസ്റ്റുകളും നേടി. ലീഗ് കപ്പിൽ മാഞ്ചസ്റ്റർ സിറ്റിയെ നേരിടാൻ ഇറങ്ങുന്ന അവർക്ക് ഈ ജയം വലിയ ആത്മവിശ്വാസം നൽകും. നിലവിൽ ന്യൂകാസ്റ്റിൽ എട്ടാം സ്ഥാനത്ത് കയറിയപ്പോൾ ഷെഫീൽഡ് ഇരുപതാം സ്ഥാനത്ത് ആണ്.
